Jalgaon Crime News : घराचे हप्ते फेडण्यासाठी माहेरहून ५ लाख रुपये आणण्याची मागणी करत विवाहितेचा शारीरिक व मानसिक छळ करण्यात आला.
याप्रकरणी जिल्हापेठ पोलीस ठाण्यात पीडिताने पतीसह सासरच्या मंडळींविरोधात गुन्हा दाखल केला.(Offense for harassing wife to pay house loan jalgaon crime news)
जळगाव शहरातील के. सी. पार्कमध्ये माहेर असलेल्या पल्लवी उमेश सपकाळे (वय १९) हिचा विवाह कोल्हे हिल्स परिसरातील उमेश सुरेश सपकाळे यांच्याशी झाला.
पती उमेश याने विवाहितेला घराचे हप्ते फेडण्यासाठी माहेरहून ५ लाख रुपयांची मागणी केली. विवाहितेने पैशांची पूर्तता केली नसल्याने विवाहितेचा छळ करण्यास सुरुवात केली. त्यानंतर सासरच्या मंडळींनी त्रास देणे सुरू केले.
हा प्रकार सहन न झाल्याने विवाहिता माहेरी निघून आली. शनिवारी (ता. २८) जळगाव शहर पोलीस ठाण्यात धाव घेऊन तक्रार दिली.
विवाहितेच्या तक्रारीवरून पती, सासू वर्षा सुरेश सपकाळे, नणंद चैताली नन्नवरे, जेठाणी उज्जवला यशवंत सपकाळे, जेठ यशवंत सुरेश सपकाळे, नणंद साधना देवीदास साळुंखे, नंदोईभाऊ देवीदास मंगा साळुखे, किसन बाबूराव सपकाळे यांच्या विरोधात जळगाव शहर पोलीस ठाण्यात गुन्हा दाखल करण्यात आला आहे. पोलीस नाईक विरेंद्र शिंदे हे तपास करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.