Jalgaon News : शहरातून गेलेल्या अंकलेश्‍वर - बऱ्हाणपूर महामार्गावरील बसविण्यात आलेल्या दुभाजकांदरम्यान लावलेले फलकावरील रेडियम आठच दिवसात दिसेनासे झाले आहे. त्यामुळे वाहनधारक त्रस्त झाले आहेत.

येथील पालिकेच्या महात्मा गांधी बहुउद्देशीय सभागृहासमोर दुभाजकावर वाहने आदळली जाऊन अपघातांची मालिका सुरू आहे. (radium on board installed between dividers on Ankleshwar Berhanpur highway has disappeared within eight days jalgaon news)

या विषयी ‘सकाळ’ने वृत्त प्रकाशित केल्याने या दुभाजकाच्या प्रमुख दर्शनी भागात पालिकेतर्फे रेडियमचे दिशादर्शक फलक लावण्यात आले.

मात्र आठ दिवसांतच दिशादर्शक फलकावरील रेडियम निघाल्याने एकच चर्चेचा विषय झाला आहे.

सुरक्षित वाहतुकीच्या दृष्टीने दिशादर्शक फलक व दुभाजकांवर पिवळे व काळ्या रंगाचे पट्टे अस्पष्ट झाल्याने रात्री हे दुभाजक दिसत नसल्याने दुभाजकावर वाहने आदळली जात आहेत.

याठिकाणी पुन्हा चांगल्या दर्जाचे रेडियम दिशादर्शक फलक लावावे, अशी जोरदार मागणी पुढे आली आहे.