देवगड (सिंधुदुर्ग) : जिल्हयातील वाभवे-वैभववाडी, कसई -दोडामार्ग, कुडाळ व देवगड (Vabhave,Vaibhavwadi,Kasai,Dodamarg,Kudal,Devgad)जामसंडे नगरपंचायतीच्या  निवडणूकीसाठी निवडणूक निर्णय अधिकारी व सहायक निवडणूक निर्णय अधिकारी यांची नियुक्ती करण्यात आली आहे. जिल्हाधिकारी यांनी या नियुक्त्या केल्या आहेत. त्यामुळे इच्छुक उमेदवारांना आता सोयीचे झाले आहे.

जिल्ह्यातील चार नगरपंचायतीचा निवडणूक कार्यक्रम जाहीर करण्यात आला आहे. त्यानुसार 1 ते 7 या कालावधीत उमेदवारी अर्ज दाखल करायचे आहेत. यासाठी निवडणूक निर्णय अधिकारी तसेच सहाय्यक निवडणूक निर्णय अधिकारी यांची नियुक्ती करण्यात आली आहे. यामध्ये वाभवे -वैभववाडी नगरपंचायत- निवडणूक निर्णय अधिकारी जिल्हा पुरवठा अधिकारी, सिंधुदुर्ग दादासाहेब रघुनाथ गिते, सहाय्यक निवडणूक निर्णय अधिकारी नगरपंचायत मुख्याधिकारी सुरज मधुकर कांबळे, कसई -दोडामार्ग - निवडणूक निर्णय अधिकारी - उपजिल्हाधिकारी, (भुसंपादन) जिल्हा मुख्यालय वर्षा तानाजी शिंगण, सहाय्यक निवडणूक निर्णय अधिकारी -नगरपंचायत मुख्याधिकारी शिवराज विठ्ठलराव गायकवाड, कुडाळ नगरपंचायत- निवडणूक निर्णय अधिकारी उपविभागीय अधिकारी (महसूल) कुडाळ वंदना मधुकर खरमाळे, सहाय्यक निवडणूक निर्णय अधिकारी नगरपंचायत मुख्याधिकारी जयंत चंद्रकांत जावडेकर, देवगड जामसंडे नगरपंचायत -निवडणूक निर्णय अधिकारी उपजिल्हाधिकारी, (भुसंपादन) इमारत व दळणवळण प्रकल्प, सिंधुदुर्ग उपेंद्र गोविंद तामोरे, सहाय्यक निवडणूक निर्णय अधिकारी नगरपंचायत -मुख्याधिकारी कौस्तुभ सरदार गव्हाणे यांची निवड झाली आहे.