रत्नागिरी- मुंबई-गोवा महामार्गावर उड्डाणपुलाचं काम सुरु असताना गर्डर कोसळल्याची घडना घडली आहे. चिपळूणमधील बहादूर शेखनाका उड्डाणपुलावरील ही घटना आहे. सकाळच्या सुमारास गर्डरला तडे गेले होते, त्यानंतर दुपारी पूर्ण गर्डर कोसळला आहे. आमदार शेखर निकम पाहणी करत असताना हा गर्डर कोसळला आहे.

उड्डाणपुलाचं काम सुरु असतानाच तडा गेल्याचं निदर्शनास आलं होतं. त्यानंतर ठाकरे गटाचे कार्यकर्ते आक्रमक झाले होते. यावेळी त्यांनी अभियंत्याला मारहाण केल्याचीही माहिती मिळत आहे. उड्डाणपुलाचं काम सुरु होतं. यावेळी पुलाला तडा गेल्याचं सकाळी समोर आलं होतं. त्यानंतर दुपारी गर्डर पूर्ण कोसळला आहे. याप्रकरणी कोणीही जखमी झालेलं नाही.