खेड (रत्नागिरी) : मुंबई-गोवा राष्ट्रीय महामार्गावरील कशेडी घाटात दरड कोसळली आहे. त्यामुळे मुंबई -गोवा महामार्ग ठप्प झाला आहे. 

कोकणात गेले चार दिवस मुसळधार पाऊस सुरु आहे. अनेक ठिकाणी दरडी कोसळल्या असून ग्रामीण भागातील जनजीवन विस्कळीत झाले आहे. आज रात्री साडेआठ ते पावणे नऊ वाजण्याच्या सुमारास रायगड जिल्ह्यातील पोलादपूर तालुक्यात महामार्गावरील धामणदेवी गावाच्या हद्दीत ही दरड कोसळली. त्यामुळे महामार्गावरील वाहतूक बंद झाली आहे. आज रात्रभर दरड उपसण्याचे काम सुरू राहणार आहे. अशी माहिती घटनास्थळावरुन प्राप्त झाली आहे.

हे पण वाचा - धक्कादायक - कॉलनीत लग्नाचा आणि पूजेचा जल्लोष;  नऊ पॉझिटिव्ह अन् ८४ जण होम क्वारंटाईन

रत्नागिरी जिल्ह्यात गेले काही दिवस लाँक डाऊन असल्यामुळे कशेडी घाटाला पर्यायी मार्ग असलेला तुळशी विन्हेरे मार्ग देखील प्रशासनाने बंद  केलेला आहे. त्यामुळे वाहनचालकांचे मात्र हाल होणार आहेत.

संपादन - धनाजी सुर्वे