रत्नागिरी : केंद्रीय मंत्री नारायण राणे (narayan rane) यांनी मुख्यमंत्री उद्धव ठाकरे यांच्याबाबत आक्षेपार्ह विधान केल्यावर त्याचे पडसाद रत्नागिरीत (ratnagiri) उमटले. आमदार राजन साळवी (rajan salavi) यांच्या समवेत दहा संशयितांच्या विरोधात गुन्हा दाखल केला आहे. शिवसेना पदाधिकाऱ्यांनी केंद्रीय मंत्री नारायण राणे यांच्या स्वागतासाठी लावलेला बॅनर फाडून टाकले. तसेच मनाई आदेशाचा भंग करीत सार्वजनिक ठिकाणी पाचपेक्षा अधिक व्यक्तींनी एकत्र येत घोषणा देऊन जिल्हाधिकारी यांच्या आदेशाचे उल्लंघन केल्याप्रकरणी गुन्हा दाखल करण्यात आला.

या गुन्ह्यामध्ये आमदार राजन साळवी, संजय साळवी, परेश खातू, प्रसाद सावंत, प्रकाश सावंत, प्रशांत साळुंखे यांच्यासह शिवसेनेच्या ८ ते १० पदाधिकाऱ्यांचा समावेश आहे. रत्नागिरी शहर पोलिस ठाण्यात गुन्हा दाखल करण्यात आला आहे. पोलिस हवालदार महेश कुबडे, यांनी ही तक्रार दिली आहे.