लांजा (सिंधुदुर्ग) : कोकणचे नेते, खासदार नारायण राणे तसेच माजी खासदार व भाजपाचे प्रदेश सचिव निलेश राणे यांच्याबाबत अपशब्द काढणाऱ्या शिवसेना खासदार विनायक राऊत यांच्या प्रतिकात्मक पुतळ्याचे लांजा तालुका भाजपाच्या वतीने आज दहन करण्यात आले.
        

 शिवसेना खासदार विनायक राऊत यांनी कोकणचे नेते खासदार नारायण राणे तसेच माजी खासदार व भाजपाचे प्रदेश सचिव निलेश राणे यांच्यावर केलेल्या टिकेनंतर संपूर्ण जिल्ह्यातून त्यांचा निषेध केला जात आहे. तर भाजपा पदाधिकारी आक्रमक झाले असून खासदार विनायक राऊत यांना जशासतशे उत्तर दिले जाईल असा इशारा देण्यात आला आहे. या पार्श्वभूमीवर आज लांजा तालुका भाजपाच्या वतीने शहरातील पक्ष कार्यालयासमोर खासदार विनायक राऊत यांचा प्रतिकात्मक पुतळा जाळण्यात आला. तसेच राऊत यांचा जोरदार निषेध करण्यात आला. राणे साहेब आगे बढो च्या घोषणांनी परिसर दणाणून सोडण्यात आला.

हेही वाचा- बॅंड, बाजा, बारात ; वाजंत्री व्यवसायाचा ब्रेक निघण्यास सुरवात -

 यावेळी भाजपा तालुकाध्यक्ष मुन्ना खामकर, नेत्या उल्का विश्वासराव, जिल्हा चिटणीस हेमंत शेट्ये, ओबिसी सेलचे शहराध्यक्ष अशोक गुरव, वासूदेव राणे, शेखर सावंत, नगरसेवक संजय यादव, माजी उपनगराध्यक्ष रवि कांबळे, शहराध्यक्ष प्रमोद कुरूप, नगरसेवक मंगेश लांजेकर, जिल्हा चिटणीस यशवंत वाकडे, नाना शेट्ये,आदींसह अन्य भाजपी पदाधिकारी व कार्यकर्ते उपस्थित होते.

संपादन- अर्चना बनगे