90664
कणकवली : उन्हाळ्यात पक्षी, प्राण्यांना पाणी टंचाई भासू नये यासाठी सुशांत नाईक, डॉ.प्रसाद धुमक आणि वॉटर फॉर व्हाईसलेस या संस्थेच्या साहाय्याने पाण्याची व्यवस्था करण्यात आली.

कणकवलीत पक्षी, प्राण्यांसाठी
५० ठिकाणी पाणी व्यवस्था

कणकवली, ता. २२ : मोकाट प्राणी तसेच पक्ष्यांची पाणी टंचाईतून मुक्‍तता व्हावी यासाठी शहरात ५० ठिकाणी भांडी ठेऊन त्‍यात पाण्याची व्यवस्था करण्यात आली. शिवसेना नगरसेवक सुशांत नाईक, डॉ. प्रसाद धुमक आणि ‘वॉटर फॉर व्हाईसलेस’ या संस्थेच्यावतीने हा उपक्रम राबविण्यात आला.
शहरातील टू व्हीलर असोसिएशनकडे पक्षी, प्राण्यांसाठी ५० भांडी सुपूर्त करण्यात आली. लवकरच ठिकठिकाणी ही भांडी बसविण्यात येतील. तसेच यात दररोज पाणी देखील ठेवले जाणार आहे. टू व्हीलर असोसिएशनमार्फत या व्यवस्थेवर देकरेक ठेवली जाणार असल्‍याची माहिती नगरसेवक सुशांत नाईक यांनी दिली. सध्या तीव्र उष्मा निर्माण झाला आहे. यात पक्षी, प्राण्यांना पाण्याची नितांत गरज आहे. ही गरज ओळखून शहरात ही व्यवस्था करण्यात आली आहे. या उपक्रमाच्या प्रारंभावेळी सलीम शेख, प्रशांत बाणे, महेश चिंदरकर, पांडुरंग गावडे, नितीन तावडे, प्रथमेश परब, संदीप पारकर, किशोर कांबळे, गणेश सावंत, योगेश बाईत, दशरथ चव्हाण, अमोल सावंत आदी उपस्थित होते.