कोनाळकट्टा पोस्ट अपहारातील
चौघा जणांची निर्दोष मुक्तता
सबळ पुराव्याअभावी न्यायालायाचा निर्णय
सावंतवाडी ः कोनाळकट्टा येथील पोस्टात तब्बल १ कोटी १० लाख ८२ हजाराचा आर्थिक अपहार प्रकरणी आरोप असलेल्या चौघा जणांची येथील जिल्हा न्यायालयाने सबळ पुराव्या अभावी निर्दोष मुक्तता केली. सुरेश वासुदेव बांदेकर, हनुमंत शंकर धुरी (दोघे रा. कोनाळकट्टा-बांदेकरवाडी ता. दोडामार्ग), मानसी नीलेश गंगावणे (रा. भटवाडी वेंगुर्ले), रमेश रामराव वाघुलकर (रा. विद्यानगर-परळी, जि. बीड) अशी त्यांची नावे आहेत. याकामी अॅड. संग्राम देसाई, अनिल निरवडेकर, गणेश चव्हाण, अश्पाक शेख यांनी काम पाहिले. याबाबत अधिक माहिती अशी, १ डिसेंबर २०१५ ला हा अपहार उघड झाला होता. यात कोनाळकट्टा पोस्टात तब्बल एक कोटी दहा लाख ८२ हजाराचा अपहार झाल्याचे निष्पन्न झाले होते. या प्रकरणी ग्राहकाने तक्रारी केल्या होत्या. त्यानंतर हे प्रकरण पुढे आले होते. याबाबतची तक्रार तत्कालीन पोस्टाचे अधिकारी अर्जुन इंगळे यांनी दिली होती. त्यानुसार या चौघांवर गुन्हा दाखल झाला होता. याप्रकरणी त्यांना अटक करून पुढील कार्यवाही करण्यात आली होती. हा खटला येथील जिल्हा न्यायालय सुरू होता़ मात्र, सबळ पुराव्याअभावी चौघांची निर्दोष मुक्तता करण्यात आली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.