swt127.jpg
M06405
वेंगुर्लेः शहरात मंत्री दीपक केसरकर यांच्या माध्यमातून टँकरद्वारे पाणी पुरवठा करण्यात आला. यावेळी शहरप्रमुख उमेश येरम, युवासेनेचे संतोष परब.

वेंगुर्लेत शिवसेनेतर्फे
टॅंकरने पाणीपुरवठा
सकाळ वृत्तसेवा
वेंगुर्ले, ता. १ः शहरात ज्या भागात नळाचे पाणी चढत नाही व ज्या नागरिकांना पाण्याचा तुटवडा जाणवत आहे, त्यांना शालेय शिक्षणमंत्री तथा आमदार दीपक केसरकर यांच्या माध्यमातून व वेंगुर्ले शिवसेनेतर्फे आजपासून मोफत टँकरने पाणीपुरवठा सुरू करण्यात आला. हा पाणीपुरवठा पाऊस पडेपर्यंत करण्यात येणार असल्याचे शहरप्रमुख उमेश येरम यांनी सांगितले. शहरातील काही भागात नागरिकांना पाण्याची टंचाई भासत असल्याने याबाबत नागरिकांनी शिवसेना पदाधिकाऱ्यांच्या कानावर ही बाब घातल्यानंतर शिक्षणमंत्री केसरकर यांच्या माध्यमातून आजपासून नागरिकांच्या मागणीनुसार शहरात मोफत टँकरद्वारे पाणीपुरवठा सुरू करण्यात आला. ज्या भागात नागरिकांना पाण्याची आवश्यकता असेल, त्यांनी शहरप्रमुख येरम यांच्याशी संपर्क साधावा, असे आवाहन केले आहे.