24925
कुडाळ ः भूषण जडये स्कूल ऑफ फोटोग्राफी आयोजित छायाचित्र प्रदर्शनाचे उद्घाटन करताना प्रकाश पेठे. बाजूला भूषण जडये, सुधीर जडये, आर्या जडये, हेमंत जडये आदी. (छायाचित्र ः अजय सावंत)
कुडाळात छायाचित्रांचे प्रदर्शन
कुडाळ, ता. २१ ः जागतिक छायाचित्र दिनानिमित्त येथील भूषण जडये फोटोग्राफी स्कूलच्यावतीने आयोजित छायाचित्र प्रदर्शनास उत्स्फूर्त प्रतिसाद मिळाला. सावंतवाडी येथील बी. एस. बांदेकर फाईन आर्ट कॉलेजचे प्रा. प्रकाश पेठे यांच्या हस्ते शनिवारी (ता. १९) प्रदर्शनाचे उद्घाटन आले. यावेळी फोटोग्राफी संकुलाचे संचालक भूषण जडये आणि आर्या जडये, ज्येष्ठ फोटोग्राफर सुधीर जडये, हेमंत जडये, डॉ. रुपेश धुरी, केदार सामंत आणि विद्यार्थी उपस्थित होते. स्कूलमधील विद्यार्थ्यांनी काढलेले निवडक फोटो या प्रदर्शनात मांडले होते. उपस्थितांनी सर्व विद्यार्थ्यांसह त्यांना फोटोग्राफीचे धडे देणाऱ्या भूषण जडये यांचे कौतुक केले. या प्रदर्शनात टेबलटॉप फोटोग्राफी, विषयानुरूप फोटोग्राफी, लँडस्केप, पोर्ट्रेट अशा विविध प्रकारच्या फोटोंची आकर्षक मांडणी करण्यात आली. डॉ. रुपेश धुरी, शिल्पा नायबागकर, अवधूत राणे, अमेय जोशी, नीलेश जोशी, पंकज खरवडे, सिद्धेश प्रभू या विद्यार्थ्यांनी काढलेले फोटो प्रदर्शनात मांडण्यात आले होते. १९, २० आणि २१ ऑगस्ट असे तीन दिवस सुरू असलेल्या या प्रदर्शनास उत्स्फूर्त प्रतिसाद लाभला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.