माजी विद्यार्थ्यांकडून
पेवे हायस्कूलला भेटवस्तू
मंडणगडः पणदेरी पेवे पंचक्रोशी हायस्कूलच्या माजी विद्यार्थ्यांनी सामाजिक बांधिलकी जपताना शाळेला दोन स्मार्ट टीव्ही व अभ्यासक्रमाचे पेनड्राईव्ह असे एकूण ३१ हजाराचे साहित्य भेट दिले. शाळेला डिजिटल करण्यासाठी माजी विद्यार्थ्यांना व्हॉट्सअॅप् ग्रुपवर आवाहन करण्यात आले होते. त्यांच्या या योगदानात शाळेचे शिक्षक वाकचौरे, गवारी, इंगळे, लिपिक पालकर, शिपाई हिलम यांनीही आर्थिक योगदान दिले. माजी विद्यार्थ्यांनी दिलेल्या भेटवस्तूंचे अनावरण त्यांचे प्रतिनिधी म्हणून आलेल्या सिद्धेश देवकर यांच्या हस्ते झाले. या वेळी सरचिटणीस ॲड. विनोद दळवी, चिटणीस ॲड. अभिजित गांधी, सदस्य संतोष मांढरे, शालेय समितीचे अध्यक्ष रामदास रेवाळे आदी उपस्थित होते.
------
शेनाळे शिक्षकांचा
ग्रामस्थांकडून सत्कार
मंडणगड ः मुख्यमंत्री माझी शाळा सुंदर शाळा, या उपक्रमांतर्गत जिल्हा परिषद पूर्ण प्राथमिक आदर्श शाळा शेनाळेला प्रथम क्रमांक प्राप्त झाला. त्याबद्दल ग्रामविकास मंडळ, महिला मंडळाच्यावतीने शाळेतील सर्व शिक्षकांचा सन्मान करण्यात आला. या सर्व उपक्रमात केंद्रातील सर्व शिक्षकांचे योगदान मोठे आहे. त्यांचाही सन्मान करण्यात आला. मुख्याध्यापक सुनील आईनकर, शिक्षक गणेश गुळेकर, सतीश खैरे, संदीप राठोड यांचा सन्मान करण्यात आला. कार्यक्रमाला ग्रामविकास मंडळचे अध्यक्ष शशिकांत बामणे, शाळा व्यवस्थापन समिती अध्यक्ष अमित सालेकर, सरपंच विश्वनाथ सावंत, उमाकांत सालेकर, अनंत सावंत, संदीप घोंडगे, किरण पवार, दीपक गायकवाड, संतोष गायकवाड, भगवान सावंत, सुश्मिता मनवे, सुप्रिया धोंडगे उपस्थित होते.
----------