१५ (टुडे ३ साठी)

-rat४p१२.jpg-
२४M७५२१२
चिपळूण ः मिरजोळी ग्रामपंचायतीच्या उपसरपंचपदी निवड झाल्याबद्दल विनोद पवार यांचे अभिनंदन करताना मान्यवर.
-----------

मिरजोळीच्या उपसरपंचपदी विनोद पवार

चिपळूण, ता. ४ : तालुक्यातील मिरजोळी ग्रामपंचायतीच्या उपसरपंच पदासाठी बुधवारी निवडणूक झाली. या वेळी उपसरपंचपदी सदस्य विनोद पवार यांची बिनविरोध निवड करण्यात आली आहे.
या निवडणुकीत दोन अर्ज दाखल करण्यात आले. ग्रामपंचायत सदस्य प्रचिती भैरवकर व विनोद पवार असे दोन अर्ज दाखल करण्यात आले होते. सकाळी १० ते दुपारी १२ या वेळेत हे दोन अर्ज दाखल करण्यात आले तर दुपारी २ वाजेपर्यंत अर्ज मागे घेण्याची मुदत होती. या वेळी ग्रामपंचायत सदस्य प्रचिती भैरवकर यांनी आपला अर्ज मागे घेतल्याने उपसरपंच सदस्य विनोद पवार यांची उपसरपंचपदी बिनविरोध निवड झाल्याचे निवडणूक निर्णय अधिकारी व मिरजोळी गावचे सरपंच कासम दलवाई यांनी घोषित केले. ग्रामसेवक सुभाष माळी यांनी या कामी सहकार्य केले.
या वेळी आजी-माजी सरपंच, उपसरपंच, सदस्य संदीप जाधव, गणेश निवाते, ऋचिता पवार, माधुरी सकपाळ, वृषाली कदम, प्रचिती भैरवकर, ग्रामस्थ सयाजी पवार, चंद्रकांत पवार, संजय कांबळे, सुनील जाधव व अन्य ग्रामस्थ मोठ्या संख्येने उपस्थित होते.