kan21.jpg
80970
शिरवल : येथील रस्ता दुरूस्तीच्या कामाला प्रारंभ झाला आहे.
शिरवल रस्ता दुरूस्ती
कामास अखेर सुरू
ग्रामस्थांच्या इशाऱ्यानंतर प्रशासन जागे
कणकवली, ता. २ : तालुक्यातील शिरवल गावातील मुख्य रस्ता दुरूस्तीचे काम अखेर सुरू झाले आहे. रस्ता दुरूस्त होत नाही तोवर कुठल्याही राजकीय पक्षाच्या प्रतिनिधींनी गावात प्रचारासाठी येऊ नये, असा इशारा ग्रामस्थांनी दिला होता. त्यानंतर प्रशासकीय यंत्रणा खडबडून जागी झाली.
शिरवल गावात जाणाऱ्या मुख्य रस्त्याचे काम गेली अनेक वर्षे झाले नव्हते. यंदा या रस्त्यासाठी निधी मंजूर झाला. मात्र पावसाळा तोंडावर आला तरीही काम सुरू झाले नाही. त्यामुळे ग्रामस्थांनी सर्व पक्षाच्या लोकप्रतिनिधींना गावात प्रचारासाठी येऊ नका अशी भूमिका घेतली. तशा आशयाचा फलक देखील गावच्या वेशीवर लावला होता.
या इशाऱ्यानंतर लोकप्रतिनिधींसह प्रशासकीय यंत्रणा जागी झाली. मुख्यमंत्री ग्रामसडक योजनेचे उपअभियंता श्री. सुतार यांनी आपल्या टीम सोबत येत शिरवल ग्रामस्थ आणि उपसरपंच प्रविण तांबे यांची भेट घेऊन रस्त्याची पाहणी केली. तसेच संबधित ठेकेदाराला रस्त्याच्या कामाला तातडीने सुरुवात करण्यासाठी सूचना केल्याचे सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.