४२ (पान २ साठी)

rat२p२६.jpg-
२४M८१०४५
रत्नागिरी : गोगटे-जोगळेकर वरिष्ठ महाविद्यालयाच्या सहकार वार्षिक अंकाचे प्रकाशन करताना डॉ. मकरंद साखळकर.
--------

‘गोगटे-जोगळेकर’च्या
सहकार अंकाचे प्रकाशन

सकाळ वृत्तसेवा
रत्नागिरी, ता. ३ : गोगटे-जोगळेकर महाविद्यालय (स्वायत्त) येथे महाराष्ट्रदिनाचे औचित्य साधून वरिष्ठ महाविद्यालयाच्या सहकार या वार्षिक अंकाचे प्रकाशन प्राचार्य डॉ. मकरंद साखळकर यांच्या हस्ते करण्यात आले. राधाबाई शेटये सभागृहात कार्यक्रम झाला.
या प्रसंगी व्यासपीठावर रत्नागिरी एज्युकेशन सोसायटीचे सहसचिव प्रा. श्रीकांत दुदगीकर, कला शाखेच्या उपप्राचार्या डॉ. चित्रा गोस्वामी, वाणिज्य उपप्राचार्या डॉ. यास्मिन आवटे, विज्ञान शाखेच्या उपप्राचार्य डॉ. अपर्णा कुलकर्णी, अभ्यंकर- कुलकर्णी कनिष्ठ महाविद्यालयाचे उपप्राचार्य प्रा. सुनील गोसावी उपस्थित होते. सहकारचे संपादक डॉ. तुलसीदास रोकडे यांनी सहकार या वार्षिक अंकाच्या अंतरंगाचा परामर्श घेतला. मराठी, संस्कृत, हिंदी, इंग्रजी व उर्दू या पाच भाषांतील विविध विषयांवरील लेखांचा, कवितांचा समावेश अंकांमध्ये आहे. डॉ. तुलसीदास रोकडे यांनी आपल्या मनोगतात सहकार अंकाचे मुद्रक योगेश पंडित तसेच राकेश शेटये व संपादक मंडळाचे आभार मानले. प्राचार्य डॉ. मकरंद साखळकर यांनी सहकार हा विद्यार्थ्यांच्या अभिव्यक्तीचे एक उत्तम व्यासपीठ आहे तसेच हा अंक विद्यार्थ्यांची सृजनशील क्षमता विकसित करतो, असे मत व्यक्त केले. सूत्रसंचालन डॉ. शिवाजी उकरंडे यांनी केले. कार्यक्रमाला प्राध्यापक, शिक्षकेतर कर्मचारी वर्ग व विद्यार्थी उपस्थित होते.