...तर बँक, सोसायट्यामधील बैठका उधळणार
अतुल रावराणेः कर्जाचे आमिष दाखविले जात असल्याचा आरोप
सकाळ वृत्तसेवा
कणकवली, ता. २ः लोकसभा निवडणुकीसाठी गावोगावच्या सोसायट्या आणि सहकारी बँकेच्या शाखांचा वापर केला जात आहे. मतदारांना पन्नास हजार ते दोन लाखापर्यंत कर्ज देण्याचे अमिष दाखवली जात आहेत. पैसे वाटप, प्रलोभने, कार्यकर्त्यांच्या बैठका यांच्यासाठी सोसायट्या, सहकारी बँकेच्या शाखांचा वापर होतोय. हा वापर भाजप नेत्यांची बंद करावा; अन्यथा आम्ही बँक, सोसायट्यामधील बैठका उधळून लावणार, असा इशारा शिवसेना नेते अतुल रावराणे यांनी दिला.
येथील शिवसेना कार्यालयात श्री. रावराणे यांनी पत्रकार परिषद घेतली. ते म्हणाले, ‘‘राणेंना मतदानासाठी आमिषाबरोबरच दबाव टाकला जात आहे. जर दगा फटका झाला तर तुमच्याशी वैयक्तिक दुष्मनी राहील, असा दबाव त्यांच्या नेत्यांकडून ठेकेदार आणि शासकीय अधिकाऱ्यांना आणला जात आहे. निविदा प्रक्रिया झाली नसतानाही गावोगावचे, वाडीनिहाय रस्ते डांबरीकरण केले जात आहेत. या सर्व प्रकाराची आम्ही चौकशी लावणार आहोत.’’
ते पुढे म्हणाले, ‘‘सहकारी बँक आणि सोसायट्यांमध्ये होणाऱ्या राजकीय बैठकांबाबत आम्ही निवडणूक आयोग, जिल्हाधिकारी यांच्याकडे तक्रारी केल्या आहेत. त्याची दखल निवडणूक आयोग आणि जिल्हा प्रशासनाने घ्यायला हवी. त्याबाबत कार्यवाही न झाल्यास शिवसेनेच्या माध्यमातून संस्थांच्यामध्ये चालणाऱ्या या बैठका आम्ही उधळून लावणार आहोत. त्यावेळी कायदा आणि सुव्यवस्था परिस्थिती बिघडली तर त्याला जिल्हा प्रशासन जबाबदार असणार आहे.’’
चौकट
मतदारांवर दबाव टाकून पक्षप्रवेश
कणकवलीत भाजपकडून दररोज वेगवेगळ्या गावातील तसेच सरपंच, ग्रामपंचायत सदस्य यांचे प्रवेश घडवून आणून वातावरण निर्मिती करत आहेत. ही त्यांची जुनी सवय आहे; मात्र हे सर्व पक्षप्रवेश स्वखुषीने होत नाहीत तर मतदार आणि लोकप्रतिनिधींवर दबाव टाकून केले जात आहेत. मतदारांच्या मजबुरीचा फायदा उठवून प्रक्षप्रवेश सोहळे केले जात असल्याचा आरोप श्री. रावराणे यांनी केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.