कोकण पदवीधरसाठी
दहा जून रोजी मतदान

किशोर तावडे ः जिल्ह्यात १८ जूनपर्यंत आचारसंहिता

सकाळ वृत्तसेवा
सिंधुदुर्गनगरी, ता. ११ ः महाराष्ट्र विधान परिषदेच्या कोकण विभाग पदवीधर मतदारसंघातील सदस्य निरंजन डावखरे यांची मुदत ७ जुलैला संपणार आहे. या जागेसाठी निवडणूक आयोगाने कार्यक्रम घोषित केला आहे. त्यानुसार १० जूनला मतदान तर १३ जूनला मतमोजणी होणार आहे. निवडणूक आयोगाच्या सूचनांनुसार उमेदवार व राजकीय पक्षांसाठीची आदर्श आचारसंहिता ८ मे ते १८ जून पर्यंतच्या कालावधीसाठी संपूर्ण सिंधुदुर्ग जिल्ह्याकरिता लागू राहील, अशी माहिती जिल्हा निवडणूक अधिकारी तथा जिल्हाधिकारी किशोर तावडे यांनी दिली आहे.
महाराष्ट्र विधान परिषद कोकण विभाग पदवीधर मतदार संघ निवडणूक-२०२४ कार्यक्रम असा ः निवडणूकीची अधिसूचना बुधवारी (ता.१५) प्रसिध्द होईल. नामनिर्देशनपत्र सादर करणे २२ मे, नामनिर्देशनपत्रांची छाननी २४ मे, उमेदवारी अर्ज मागे घेणे २७ मे, मतदान १० जून (वेळ सकाळी ८ ते दुपारी ४), मत मोजणीचा १३ जून, निवडणूक प्रक्रिया पूर्ण करण्याचा दिनांक १८ जून.