83691
जानवली : येथील सेवा रस्त्याचे काम आज पोलिस बंदोबस्तात सुरू करण्यात आले.
जानवलीत सेवारस्त्याचे काम अखेर मार्गी
सकाळ वृत्तसेवा
कणकवली, ता. १४ : शहरालगतच्या जानवली गावातील सेवा रस्त्याचे काम अखेर तीन वर्षांनंतर सुरू झाले आहे. मोबदला रक्कम मिळाली नसल्याने येथील काम थांबविण्यात आले होते. या रस्त्याचे काम सुरू झाल्याने नागरिकांतून समाधान व्यक्त झाले.
जानवली-तरंदळे फाटा येथे उड्डाणपुलाची उभारणी झाल्यानंतर गोवा ते मुंबई मार्गालगतच्या सेवारस्त्याचे काम मार्गी लागले, मात्र मुंबई ते गोवा या मार्गिकेलगतचा सेवा रस्ता रखडला होता. जमिनीचा मोबदला रक्कम न मिळाल्याने स्थानिकांनी येथील काम रोखले होते. येथील जमीन संपादनाबाबत नुकतीच भूसंपादन विभागाकडून प्रक्रिया सुरू केली. त्यामुळे येथील नागरिकांनी सेवा रस्त्याचे काम सुरू करण्यास मान्यता दिली. त्यानुसार आज पोलिस बंदोबस्तामध्ये सकाळी अकरापासून सेवा रस्त्याचे काम सुरू करण्यात आले. यावेळी जानवलीचे सरपंच अजित पवार, सामाजिक कार्यकर्ते संदीप सावंत यांच्यासह केसीसी बिल्डकॉनचे अधिकारी मनोज पांडे आणि पोलिस कर्मचारी उपस्थित होते.
जानवली साकेडी फाटा ते रिलॅक्स हॉटेल या दरम्यान सेवारस्ता नसल्याने या भागातून ये-जा करणाऱ्या वाहनचालकांची गैरसोय होत होती. तसेच महामार्गावरून वेगाने वाहने येत असल्याने याठिकाणी सातत्याने अपघात होण्याचीही शक्यता होती. हा रस्ता होण्यासाठी आमदार नीतेश राणे यांनी सतत पाठपुरावा केला होता. त्यांच्या प्रयत्नामुळेच सेवारस्त्याचे काम मार्गी लागल्याची माहिती संदीप सावंत यांनी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.