पान ३
पालशेतमधील विवाहितेची आत्महत्या
गुहागर, ता. १६ ः तालुक्यातील पालशेत आंबाबागेत काम करणाऱ्या विवाहितेने विषारी द्रव पिऊन आत्महत्या केली. सुजाता सुधीर पवार (वय २७, अलोरे कोळकेवाडी, ता. चिपळूण) असे तिचे नाव आहे. घरगुती कारणावरून हे पाऊल उचलल्याची माहिती मिळाली. पालशेत येथील माधव सुर्वे यांच्या आंबाबागेत सुधीर रमेश पवार व सुजाता पवार हे पती-पत्नी कामाला होते. १३ मे रोजी दुपारी ३.३० वाजण्याच्या सुमारास घरगुती कारणावरून पती-पत्नीमध्ये वाद झाला. तो वाद इतका पराकोटीला गेला की, सुजाताने घराच्या मागील बाजूस जाऊन विषारी द्रव प्यायली. तिला प्रथम पालशेत येथील डॉ. ढेरे यांच्याकडे उपचारासाठी नेण्यात आले. तेथून कामथे रुग्णालय व अधिक उपचारासाठी रत्नागिरी जिल्हा शासकीय रुग्णालयात दाखल करण्यात आले असता १४ मे रोजी तिचा मृत्यू झाला. याबाबत पती सुधीर पवार यांनी रत्नागिरी शहर पोलिस ठाण्यात खबर दिली. या घटनेचा अधिक तपास गुहागर पोलिस ठाण्याचे पोलिस उपनिरीक्षक सुजित सोनवणे करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.