साळशीतील वृद्धाची
गळफासाने आत्महत्या

सकाळ वृत्तसेवा
देवगड, ता. २२ ः साळशी-कुळ्याचीवाडी (ता. देवगड) येथील वृद्ध घरात गळफास लावलेल्या स्थितीत आढळला. शशिकांत नारायण साटम (वय ८५) असे त्याचे नाव आहे. त्याने आत्महत्या केली असावी, असा पोलिसांचा प्राथमिक अंदाज आहे. ही घटना मंगळवारी (ता. २१) सायंकाळी घडली. याबाबत येथील पोलिस ठाण्यात आकस्मिक मृत्यू अशी नोंद केली आहे. पोलिसांनी दिलेल्या माहितीनुसार, साळशी-कुळ्याचीवाडी येथील शशिकांत साटम आणि त्यांची पत्नी असे दोघे जण घरी असतात, पत्नी आजारी असते. घरात शशिकांत साटम गळफास लावलेल्या स्थितीत आढळले. त्यांनी आत्महत्या केली असल्याचा प्राथमिक अंदाज आहे. घटनेची माहिती मिळताच पोलिसांनी आकस्मिक मृत्यू अशी नोंद केली. अधिक तपास पोलिस हवालदार महेंद्र महाडिक करीत आहेत.