१२ (टूडे पान १ साठी)
नुकसानग्रस्तांना २४ लाखांची भरपाई
वन्य प्राण्यांचा हल्ला; जंगलतोडीने वाढ
सकाळ वृत्तसेवा
रत्नागिरी, ता. २३ : जिल्ह्यात सह्याद्रीच्या पट्टयात होत असलेल्या जंगल तोडीमुळे मोठ्याप्रमाणात जंगली प्राणी नागरी वस्तीत घुसून शेतीचे नुकसान करतात. पाळीव जनावरे, मनुष्य यांच्यावर हल्लेही करतात. यामध्ये मागील वर्षभरात सुमारे २४ लाखांची नुकसान भरपाई रत्नागिरी, राजापूर, लांजा व संगमेश्वर तालुक्यांमध्ये वाटप करण्यात आली.
एप्रिल २०२३ ते ३१ मार्च २४ दरम्यान चार तालुक्यांमध्ये जंगली प्राणी नागरी वस्तीत घुसून नुकसान करण्याच्या २२० हून अधिक घटना घडल्याच्या नोंदी वनविभागाकडे आहेत. सह्याद्रीच्या पट्ट्यातील काही भागांमध्ये होत असलेली जंगल तोड, वन्यप्राण्याच्या शिकारीमुळे भक्ष्याच्या शोधात हिंस्त्रप्राण्यांसह गवा, कालवीट सारखे प्राणी आता मानवी वस्तीच्या आसपास दिसून येऊ लागले आहेत. काळवीट, डुकर, गव्यासारखे प्राणी शेतींचे मोठ्याप्रमाणात नुकसान करीत आहेत. लांजा तालुक्यात सह्याद्रीच्या पट्ट्यात सामुहिक शेती करणाऱ्या गटांनाही या प्राण्यांमुळे भात शेतीचे नुकसान सोसावे लागत आहे. चार तालुक्यात पीक नुकसानीच्या ६० घटना नोंदवल्या गेल्या आहेत. यामध्ये सुमारे सहा लाखांहून अधिकची नुकसान भरपाई देण्यात आली आहे.
जिल्ह्यात मागील काही वर्षात बिबट्यांची संख्या मोठ्या प्रमाणात वाढली असून, बिबट्यांकडून पाळीव प्राणी किंवा मनुष्यावर हल्ला होण्याची घटनाही वारंवार घडत आहेत. पाळीव प्राणी मारल्याच्या तब्बल १६० घटना वनविभागाकडे नोंदवल्या गेल्या. त्यांना सुमारे १५ लाख ६७ हजार १३ रुपयांची नुकसान भरपाई शेतकऱ्यांना देण्यात आली आहे.
---
बिबट्याच्या हल्ला
शहराजवळील गावांमध्येही बिबट्यांचा वावर दिसून आला आहे. घरांच्या अंगणामध्ये येऊन कुत्र्यांना पकडून नेल्याचे प्रकारही सीसीटीव्हीमध्ये कैद झाले आहेत. राजापूर शहराकडे जाणाऱ्या रस्त्यावरच गतवर्षी बिबट्याने एका महिलेवर हल्ला केला. मनुष्यावर हल्ला केल्याची एकच घटना चार तालुक्यात घडली आहे. या प्रकारातील जखमी व्यक्तीला १ लाख २५ हजार रुपयांची नुकसान भरपाई देण्यात आली आहे. भक्ष्याच्या शोधात येऊन विहीरीत पडलेल्या अनेक बिबट्यांना वनविभागाने सुरक्षित बाहेर काढून जंगलात सोडले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.