87403
पाट हायस्कूलच्या गुणवंतांचा
भाजप पदाधिकाऱ्यांतर्फे गौरव
सकाळ वृत्तसेवा
म्हापण, ता. २ ः भाजपा वेंगुर्लेच्यावतीने म्हापण जिल्हा परिषद मतदार संघातील दहावी परीक्षेत यश मिळविलेल्या एस. एल. देसाई विद्यालय पाट हायस्कूलच्या विद्यार्थ्यांचा त्यांच्या घरी जाऊन सत्कार करण्यात आला.
यामध्ये ९७.२० टक्के गुण मिळवून द्वितीय क्रमांक मिळविलेली कोचरा ग्रामपंचायत हद्दीतील मायने-खडपीवाडी येथील विद्यार्थिनी जानव्ही रावले, ९६.४० टक्के गुण मिळवून तृतीय क्रमांक मिळविल्याबद्दल म्हापण ग्रामपंचायत हद्दीतील प्रज्वल तळवडेकर, ९६ टक्के गुण मिळवून चतुर्थ क्रमांक प्राप्त केल्याबाबत कोचरे ग्रामपंचायत हद्दीतील मायने-खडपीवाडी येथील विद्यार्थिनी अनुष्का रावले यांना गौरविण्यात आले. या विद्यार्थ्यांचा त्यांच्या घरी जाऊन शाल, पुष्पगुच्छ व भेटवस्तू देऊन सत्कार करण्यात आला. यावेळी भाजपा जिल्हा उपाध्यक्ष प्रसन्ना उर्फ बाळू देसाई, तालुकाध्यक्ष सुहास गवंडळकर, माजी सभापती नीलेश सामंत, जिल्हा कार्यकारिणी सदस्य मनवेल फर्नांडिस, तालुका सरचिटणीस बाबली वायंगणकर, किसान मोर्चाचे बाळू प्रभू, शक्तिकेंद्र प्रमुख नाथा मडवळ, भारतीय मजदूर संघाचे जिल्हा कोषाध्यक्ष सुधीर ठाकूर, बुथ प्रमुख प्रदीप गवंडे, माजी सरपंच प्रसाद रावले, सुभाष रावले, उपेंद्र रावले, मकरंद रावले, अविनाश रावले तसेच स्थानिक ग्रामस्थ उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.