- rat५p२०.jpg-
२४M८८१४३
कुडाळ ः रोटरी क्लब ऑफ आणि अॅड. कल्पलता भिडे यांच्या संयुक्त जीवन आनंद संस्थेतील गरजूंना कपडे वितरित करण्यात आले.
-------------
रोटरी, कल्पलता भिडेंकडून
जीवन आनंद संस्थेतील गरजूंना कपडे

रत्नागिरी, ता. ५ ः रोटरी क्लब ऑफ रत्नागिरी आणि अॅड. कल्पलता भिडे यांच्या संयुक्त विद्यमाने कुडाळ येथील जीवन आनंद संस्थेतील गरजू लोकांना एक टेम्पो भरून कपडे वितरित करण्यात आले आहेत. रोटरी क्लबतर्फे ज्येष्ठ सदस्य धरमसी काका चौहान यांच्या मार्गदर्शनाखाली सर्व रोटरी सदस्य तसेच काकांच्या मित्रपरिवाराने जुने पण सुस्थितीतील कपडे स्वच्छ धुवून इस्त्री करून या संस्थेला दिले. दरवर्षी धरमसी काका आणि अॅड. भिडे अशाप्रकारे वर्षभर लोकांकडून कपडे गोळा करून जीवन आनंद या संस्थेला देतात. या कार्यक्रमावेळी रोटरी अध्यक्ष श्रीकांत भुर्के आणि सचिव प्रमोद कुलकर्णी हे उपस्थित होते तसेच संस्थेतर्फे प्रसिद्धीप्रमुख महाबळेश्वर कामत आणि अमर पाडावे हे उपस्थित होते. संस्थेमध्ये सुमारे दोनशेहून अधिक मनोरुग्ण आणि गरजू आहेत. या कार्यात रत्नागिरीतील नागरिकांचा चांगला प्रतिसाद लाभला. त्यांचे रोटरीतर्फे अध्यक्षांनी आभार मानले आहेत.