देवगड खाडीत बुडालेल्या
तरुणाचा मृतदेह सापडला
देवगडः येथील खाडीकिनारी एका तरुण मच्छीमाराचा मृतदेह आढळला. यमतुरप्पा गिरीअप्पा कटलागी (वय २२, रा. यलबुर्गा, कर्नाटक) असे त्याचे नाव आहे. ही घटना आज दुपारच्या सुमारास निदर्शनास आली. घटनेची येथील पोलिस ठाण्यात आकस्मिक मृत्यू अशी नोंद केली आहे. याबाबत पोलिसांनी दिलेल्या माहितीनुसार, येथील बंदरात असलेल्या एका नौकेवरील मच्छीमार यमतुरप्पा कटलागी हा बुधवारी (ता.५) रात्रीच्या सुमारास नौकेवरून खाडीच्या पाण्यात पडला होता. त्याचा आज दुपारच्या सुमारास मृतदेह आढळला. घटनेची येथील पोलिसांना माहिती दिल्यानुसार नोंद करण्यात आली. अधिक तपास देवगड पोलिस करीत आहेत.