वाडा परिसरातील बंद घरात चोरी
पोलिसांकडून तपास ः रोख रक्क्मेसह दागिने लंपास
सकाळ वृत्तसेवा
देवगड, ता. ६ः तालुक्यातील वाडा परिसरात एका बंद घरात चोरट्याने डल्ला मारला. घराच्या मागील दरवाजातून प्रवेश करून घरातील रोख रक्क्मेसह दागिने तसेच अन्य साहित्य लंपास केले. ही घटना आज सकाळच्या सुमारास निदर्शनास आली. चोरट्यांनी नेमका किती मुद्देमाल लंपास केला याबाबत रात्री उशिरापर्यंत पोलीस नोंद घेत होते. दरम्यान, उपविभागीय पोलीस अधिकारी घनश्याम आढाव यांनी येथे भेट देऊन माहिती घेतली.
याबाबत पोलीस निरीक्षक अरूण देवकर यांनी दिलेल्या माहितीनुसार, तालुक्यातील वाडा परिसरातील एका बंद घराच्या पाठीमागील दरवाजा तोडून अज्ञाताने घरात प्रवेश केला. आतील कपाटातील रोख रक्कम आणि दागिने तसेच अन्य काही वस्तू चोरून नेल्या. घरातील संबधित महिला १६ मे रोजी बाहेरगावी गेल्या होत्या. घराच्या बाहेरील देखरेखीसाठी एकास ठेवले होते. मात्र, मध्यंतरीच्या काळात तेही बाहेरगावी गेले होते. आज सकाळी त्यांनी घराभोवती फिरून पाहिले असता घराच्या मागील दरवाजा उघडा दिसला. त्यामुळे घरात चोरी झाली असल्याचे निदर्शनास येताच त्यांनी याची माहिती संबधित महिलेला दिली. दरम्यानच्या काळात पोलीसांना याची माहिती देण्यात आली. त्यानुसार पोलीस निरीक्षक अरूण देवकर, पोलीस हवालदार राजन जाधव, पोलीस हवालदार आशिष कदम, पोलीस काँस्टेबल स्वप्नील ठोंबरे आदींनी घटनास्थळी भेट देऊन माहिती घेतली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.