-rat८p१७.jpg-
P२४M८८७७७
चिपळूण ः वृक्षारोपण करताना मंदार एज्युकेशन सोसायटीच्या उपाध्यक्ष शैलेजा शिंदे, विश्वस्त सुवर्णा पाटणकर.

मंदार कॉलेजमध्ये वृक्षारोपण

चिपळूण ः तालुक्यातील मंदार एज्युकेशन सोसायटीच्या पेढांबे येथील मंदार कॉलेज परिसरात जागतिक पर्यावरणदिनी वृक्षारोपण कार्यक्रम उत्साहात झाला. सोसायटीच्या व्हाईस चेअरमन शैलेजा शिंदे यांच्या हस्ते वृक्षारोपणाचा शुभारंभ करण्यात आला. या वेळी संस्थेच्या विश्वस्त सुवर्णा पाटणकर, विविध विभागाचे प्राचार्य उपस्थित होते.
----

नारदखेरकी-देवखेरकी रामपूर
रस्त्याची दुरवस्था

चिपळूण : नारदखेरकी-देवखेरकी ते रामपूर बसस्थानकातपर्यंत १२ किमीचा पंतप्रधान ग्रामसडक योजनेमधून रस्ता तयार केला; परंतु त्यावर फक्त मातीचा भराव टाकला. त्यानंतर डांबरीकरण केले नसल्याने पावसामुळे रस्ता चिखलमय बनून येथे वारंवार अपघात घडत आहेत. मान्सून पाऊस सुरू झाला. रस्त्यावर पावसामुळे संपूर्ण चिखलमय साम्राज्य तयार झाले आहे. दुचाकी वाहने घसरून अपघात होत आहेत. याला सार्वजनिक बांधकाम खाते जबाबदार आहे. सार्वजनिक बांधकाम विभागाचे अभियंता माने यांच्याकडे अनेकांनी तक्रारी केल्या; मात्र या रस्त्याची दूरवस्था कायम आहे. तातडीने रस्त्यावर खडी टाकून चिखल होणार नाही याची दक्षता सार्वजनिक बांधकाम विभागाने घ्यावी. रस्त्याची दुर्दशा झाली आहे.
----

लोकमान्य वाचनालयाला
दोन लाखांची देणगी

लांजा ः लोकमान्य वाचनालयाला (कै.) सरस्वतीबाई विनायक देशमुख यांच्या स्मरणार्थ श्रीमती विजया जोशी (पुणे) यांनी दोन लाखांची देणगी दिली. त्यांचे लोकमान्य वाचनालयाच्या संचालक मंडळाकडून अभिनंदन करण्यात आले. या वेळी लोकमान्य वाचनालयाचे अध्यक्ष अॅड. अभिजीत जेधे, योगेश वाघधरे, जयवंत शेटये, सदानंद देशमुख, राहुल मराठे, महेश सप्रे, अॅड. निरंजन देशमुख, विनोद बेनकर आदी उपस्थित होते.
---------