टीपः swt८१७.jpg मध्ये फोटो आहे.
कुडाळ : तालुक्यात शनिवारी दमदार पावसाला सुरुवात झाली. (छायाचित्र ः अजय सावंत)
दमदार पावसाने कुडाळ जलमय
सकाळ वृत्तसेवा
कुडाळ, ता. ८ ः मृग नक्षत्र शुक्रवारी (ता. ७) सुरू झाल्याने जिल्ह्यात पावसाची एन्ट्री होईल, अशी सर्वांना अपेक्षा होती; मात्र कोकणी लोकांना ‘मिरगा’चा आनंद लुटता आला नाही. अखेर एका दिवसानंतर म्हणजे आज पावसाची दमदार एन्ट्री झाली.
जिल्ह्यात आज दुपारी २ वाजल्यापासून सर्वदूर पाऊस झाला. या मुसळधार पावसाने सखल भागात पाणी साचले. कुडाळ शहरातील एस. आर. एम. चौक, काळप नाका येथे रस्त्यावर पाणी साचून वाहतुकीस अडथळा निर्माण झाला. मृगाचा पाऊस सुरू झाल्याने पाण्याचा प्रश्न सुटला आहे. शेतीसाठी आवश्यक असणारा पाऊस झाल्याने नांगरणी, पेरणी या कामांना वेग येणार आहे. तळकोकणात मृग नक्षत्राला फार महत्त्व आहे. कोकणात याला ‘मिरग’ असे म्हटले जाते. मिरगाचा पहिला पाऊस पडला की, कोकणातला बळीराजा आपल्या शेतात जाऊन तिथल्या दैवतेला भक्तिभावाने हाक मारतो. त्यानंतर खऱ्या अर्थाने शेतीच्या कामांना सुरुवात केली जाते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.