89284
दोडामार्ग-बांदा मार्गावरील
वाहतूक दोन तास खोळंबली
सकाळ वृत्तसेवा
दोडामार्ग, ता. १० ः दोडामार्ग-बांदा मार्गावर आडाळी एमआयडीसी येथे अज्ञात वाहनाने येथील भाजी दुकानाला व महानेटच्या खांबाला धडक दिल्याने खांब तुटून रस्त्यावर पडला. परिणामी दोन तास वाहतूक खोळंबली होती. आडाळी येथील काही ग्रामस्थांनी तो पोल बाजूला करून तात्पुरती एका बाजूने वाहतूक सुरू केली.
याबाबत अधिक माहिती अशी की ः दोडामार्ग-बांदा मार्गवर दोडामार्गहुन बंद्याच्या दिशेने जाणारी अज्ञात गाडी आडाळी येथे आली असता पावसाचा व वळणाचा अंदाज न आल्याने गाडी रस्त्याच्या बाजूला असलेल्या महानेटच्या खांबाला धडक बसली. ही धडक एवढी जबरदस्त होती की खांब मोडून रस्त्यावर पडला. ही घटना रात्रीच्या वेळेस घडली असल्याचा अंदाज येथील नागरिकांनी वर्तवला आहे. याबाबत महानेटच्या ठेकेदाराला फोनद्वारे कल्पना दिली. त्यानंतर दोन तासांनी पोल बाजूला करून वाहतूक सुरळीत केली. मात्र, त्या ठिकाणी आडाळी येथील एका वयस्कर आजीच्या भाजी-पाल्याचे लहान दुकान होते. ते जमीनदोस्त होऊन मोठे नुकसान झाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.