पोलिस भरतीसाठी ८०४२ अर्ज
पोलिस अधीक्षक; १४२ जागांसाठी भरती

सकाळ वृत्तसेवा
ओरोस, ता. ११ ः जिल्ह्याच्या पोलिस दलातील रिक्त १४२ जागांसाठी ८०४२ अर्ज आले आहेत. या प्रक्रियेतील मैदानी परीक्षा ता. १९ पासून सिंधुदुर्गनगरी येथील परेड मैदानावर होणार आहे, अशी माहिती जिल्हा पोलिस अधीक्षक सौरभकुमार अग्रवाल यांनी आज दिली.
ते म्हणाले, ‘‘भरती प्रक्रिया डिसेंबर २०२३ अखेर रिक्त जागांसाठी आहे. यामध्ये ११८ शिपाई पदांसह २४ चालक पदांचा समावेश आहे. शिपाई पदांमध्ये पाच जागा बँड पथकाच्या आहेत. यासाठी ऑनलाईन पद्धतीने ५ मार्च २०२३ पासून अर्ज मागविले होते. त्यांची छाननी करून शिपाई पदांसाठी ५ हजार ९२० तर चालक पदांसाठी एक हजार ३३९ अर्ज पात्र ठरले. एकूण ८ हजार ४२ अर्ज पात्र ठरले आहेत. मैदानी परीक्षा १ जुलैपर्यंत होईल. पुरुषांसाठी उंची, छाती, १६०० मीटर धावणे, गोळा फेक, १०० मीटर धावणे, महिला उमेदवारांसाठी उंची, १०० मीटर धावणे, ८०० मीटर धावणे, गोळा फेक आदी परीक्षा घेतल्या जाणार आहेत.