‘लाडकी बहीण’ शिबिराला
आचऱ्यात महिलांचा प्रतिसाद

सकाळ वृत्तसेवा
आचरा, ता. ७ ः मुख्यमंत्री माझी लाडकी बहीण योजनेसाठी आवश्यक कागदपत्रांची पूर्तता करून परिपूर्ण प्रस्ताव सादर करण्यासाठी भाजप आचरा विभागातर्फे आयोजित विशेष शिबिराला उत्स्फूर्त प्रतिसाद लाभला. आचरा गावात ग्रामपंचायत आचरा गाऊडवाडी आणि आचरा तिठा वरचीवाडी अशा दोन ठिकाणी या शिबिराचे आयोजन करण्यात आले.
यासाठी मोफत झेरॉक्स सुविधाही उपलब्ध करुन दिली होती. या शिबिराला महिलांनी उत्स्फूर्त प्रतिसाद दिला. आचरा तिठा येथील शिबिर यशस्वीतेसाठी सरपंच जेरोन फर्नांडिस, उपसरपंच संतोष मिराशी, जयप्रकाश परुळेकर, ग्रामपंचायत सदस्य पंकज आचरेकर, मनोज हडकर, सिद्धार्थ कोळगे, महेश मेस्त्री, रुपेश परब, ज्येष्ठ नागरिक संघाचे अशोक कांबळी, लक्ष्मण आचरेकर, लक्ष्मण बापर्डेकर, सुगंधा गुरव, मनाली फाटक आदींनी विशेष प्रयत्न केले. ग्रामपंचायत येथे भाजपचे राजन गावकर, ग्रामपंचायत सदस्य चावल मुजावर, माजी उपसरपंच पाडुरंग वायंगणकर, ज्येष्ठ नागरिक संघाचे सुरेश गावकर, जे. एम. फर्नांडिस, श्री. शेट्ये, पोलिसपाटील जगन्नाथ जोशी आदींनी विशेष मेहनत घेतली. दोन दिवस चालणाऱ्या या शिबिराचा लाभ घेण्याचे आवाहन सरपंच फर्नांडिस, राजन गावकर यांनी केले आहे.
95357