विक्रमगड : विक्रमगड तालुक्यातील (Vikramgad Accident) विक्रमगड-पाळी-वाडा मार्गावरील आलोंडे गावात भीषण अपघात झाला आहे. मुख्य नाक्यावर भरधाव येणाऱ्या ट्रकने बसला धडक दिली. त्यानंतर ट्रक पलटी होऊन एका कारला धडक बसली.

या बस आणि ट्रक अपघात (Bus Truck Accident) मोटरसायकलस्वार सापडल्याने त्याचा जागीच मृत्यू झाला. यात त्याची पत्नीही ठार झाली आहे. हे दोघेही आलोंडे येथील रहिवासी आहेत. लखमा राघो वाघ व पत्नी बनी लखमा वाघ या दाम्पत्याचा मृत्यू झाल्याने हळहळ व्यक्त होत आहे.

तर, एक मोटरसायकलस्वार जखमी झाला असून त्याला विक्रमगड ग्रामीण रुग्णालायत उपचारासाठी दाखल करण्यात आले आहे. हा अपघात भरधाव येणाऱ्या ट्रक चालकाच्या बेपर्वाईमुळे झाला असल्याचे प्रत्यक्ष दर्शनी यांनी सांगितले. हा अपघात इतका भीषण होता की, दोन्ही मोटरसायकलींचे मोठे नुकसान झाले आहे. या अपघाताचा तपास विक्रमगड पोलीस करत आहे.