Commonwealth Games 2022 : भारतीय महिला खेळाडू अन्नू राणीने महिलांच्या भालाफेक स्पर्धेत कांस्यपदक पटकावले आहे. अन्नू राणीने 60 मीटर फेक करून कांस्यपदक जिंकले. राणीने तिसऱ्या प्रयत्नात 60 मीटर अंतरावर भालाफेक करून तिसरे स्थान पटकावले. त्याचवेळी ऑस्ट्रेलियाच्या केल्सीने 64 मीटर अंतर पार करून सुवर्णपदक पटकावले.

ऑस्ट्रेलियाच्या विश्वविजेत्या केल्सीने 64.43 मीटर फेक करून सुवर्णपदक जिंकले तर मॅकेन्झी लिटिल 64.27 मीटर फेक रौप्य पदक पटकावले आहे. राणीच्या आधी राष्ट्रकुल चॅम्पियन काशिनाथ नायक आणि ऑलिम्पिक चॅम्पियन नीरज चोप्रा यांनी पुरुषांच्या भालाफेकमध्ये अनुक्रमे कांस्य आणि सुवर्णपदक जिंकले आहे. नायकने 2010 च्या दिल्ली कॉमनवेल्थ गेम्समध्ये तर चोप्राने 2018 च्या गोल्ड कोस्टमध्ये पदके जिंकली होती.