ब्रिसबेन : अॅशेस (The Ashes) मालिकेतील पहिल्या कसोटीच्या तिसऱ्या दिवशी इंग्लंडने (England Cricket Team) दुसऱ्या डावात २ बाद २२० धावांपर्यंत मजल मारली. इंग्लंडचा (England) कर्णधार जो रुट (Joe Root) आणि डेव्हिड मलान (Dawid Malan) यांनी झुंजार फलंदाजी करत तिसऱ्या विकेटसाठी नाबाद १५९ धावांची भागीदारी रचली. दिवस अखेर रुट ८६ तर मलान ८० धावा करुन नाबाद होते. इंग्लंड अजूनही ५८ धावांनी पिछाडीवर आहे.

तिसऱ्या दिवशी ऑस्ट्रेलियाने ७ बाद ३४३ धावांपासून पुढे खेळण्यास सुरुवात केली. ऑस्ट्रेलियाच्या (Australia Cricket Team) ट्रॅविस हेडने (Travis Head) संघाला मजबूत आघाडीच्या दिशेने नेले. त्याच्या १४८ चेंडूत केलेल्या १५२ धावांच्या तुफानी खेळीमुळे ऑस्ट्रेलियाने पहिल्या डावात २७८ धावांची आघाडी घेतली.

दिवसअखेर इंग्लंडच्या २ बाद २२० धावा; रुट ८६ वर तर डेव्हिड मलान ८० धावा करुन नाबाद

जो रुट (Joe Root) आणि डेव्हिड मलानची तिसऱ्या विकेटसाठी दमदार भागीदारी

जो रुट (Joe Root) आणि डेव्हिड मलानची (Dawid Malan) अर्धशतके, इंग्लंडची दीडशतकी मजल

इंग्लंड अजूनही १७५ धावांनी पिछाडीवर

61-2 : स्टार्कने इंग्लंडचा दुसरा सलामीवीरही धाडला माघारी, हासीब हामीद २७ धावा करुन बाद

पॅट कमिन्सने इंग्लंडला दिला पहिला धक्का; रोरी बर्न्स १३ धावा करुन माघारी

ऑस्ट्रेलियाकडे २७८ धावांची मजबूत आघाडी

अखेर ट्रॅव्हिस हेड १५२ धावांवर बाद, ऑस्ट्रेलियाचा पहिला डाव ४२५ धावांवर संपुष्टात

ऑस्ट्रेलियाला ९ वा धक्का नॅथन लायन १५ धावा करुन बाद

ट्रॅव्हिस हेडचे दमदार दीडशतक ऑस्ट्रेलिया ४०० च्या पार