Asian Games 2023 : यंदाचे एशियन गेम्स हे चीनमधील हांगझहोऊ येथे होत आहे. चीन आणि भारत यांच्यातील संबंध गेल्या काही वर्षापासून ताणले आहेत. चीन भारताची प्रत्यक्ष नियंत्रण रेषा ओलांडून अनेकवेळा आत घुसरण्याचा प्रयत्न करतोय. चीन अरूणाचल प्रदेशचा भाग आपल्या नकाशात दाखवून खोडसाळपणा देखील करत असतो.
यावेळी चीनने एशियन गेम्समध्येही खोडसाळपणा केला आहे. त्याने भारताच्या तीन वुशू खेळाडूंना चीनमध्ये येण्याची परवानगी दिली नाही. हे तीनही खेळाडू अरूणाचल प्रदेशचे आहेत. त्यांची हांगझहोऊची फ्लाईट मिस झाली आहे. विशेष म्हणजे भारतीय वुशू संघातील इतर खेळाडू आणि अधिकारी चीनला रवाना झाले आहेत.
मिळालेल्या माहितीनुसार नयेमन वांगसू, ओनिलू तेगा आणि मेपुंग लामगू या आपल्या ट्रॅवल डॉक्युमेंट डाऊनलोड करू शकल्या नाहीत. त्यांना हांगझहोऊ एशियन गेम्स आयोजक समितीने मान्यता दिली असूनही त्यांना ट्रॅवल डॉक्युमेंट मिळाली नाहीत.
हिंदूस्थान टाईम्सशी बोलताना अधिकाऱ्यांनी सांगितले की, 'एखाद्या खेळाडूला मान्यता पत्र मिळाले म्हटल्यावर ते प्रवास करण्यास पात्र असतात. मात्र आश्चर्यकारकरित्या तीन खेळाडू त्यांची कागदपत्रे डाऊनलोड करू शकले नाहीत. त्यामुळे त्यांना विमानात बसता आले नाही.'
भारतीय वुशू संघातील इतर खेळाडूंना अशी समस्या आली नाही. भारतीय वुशू संघात एकूण 11 खेळाडू आहेत. या तीन खेळाडूंव्यक्तिरिक्त इतर खेळाडू बुधवारी रात्री हाँगकाँगला रवाना झाले. हाँगकाँगवरून ते हांगझहोऊला कनेक्टेड फ्लाईटने गुरूवारी पोहचले.
यावर्षी जुलै महिन्यात चीनच्या दुतावासाने अरूणाचल प्रदेशच्या खेळाडूंना स्टॅपल्ड व्हिजा जारी केला होता. हे खेळाडू वर्ल्ड युनिव्हर्सिटी गेम्स खेळण्यासाठी चेंगडू येथे जाणार होते. चीनच्या या निर्णयाच्या विरोधात भारताच्या संपूर्ण वुशू संघाने स्पर्धेतून माघार घेतली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.