Asian Games 2023 : भारताच्या पुरूष आणि महिला स्क्वाश संघाने एशियन गेम्स 2023 मध्ये दमदार सुरुवात केली. पुरूष संघाने सिंगापूरचा तर महिला संघाने पाकिस्तानचा पराभव केला. महिला संघातील जोशना चिनप्पा, 15 वर्षाची अनाहत सिंह आणि तन्वी खन्ना यांनी पाकिस्तानच्या महिला संघाचा 3 - 0 असा पराभव केला. पुरूष संघातील हरिदर पाल संधू, सौरव घोषाल, अभय सिंह यांनी विजय मिळवला.
एशियन गेम्समध्ये पदार्पण करणाऱ्या अनाहत सिंहने आपल्या पहिल्याच सामन्यात पाकिस्तानच्या सादिया गुलचा 16 मिनिटात 11 - 6, 11-6, 11-3 असा पराभव केला. तर अनुभवी जोशना चिनप्पा सहाव्यांदा एशियन गेम्समध्ये सहभागी झाली आहे. तिने सादियाला 11-2, 11-6, 11-2 असा पराभूत करत भारताचे वर्चस्व कायम केले.
महिला स्क्वाश स्पर्धेत पूल अ आणि पूल ब मधील पहिले दोन संघ सेमी फायनलसाठी पात्र होणार आहेत. पूल ब मध्ये भारत, पाकिस्तान, मलेशिया, चीन आणि नेपाळ संघाचा समावेश आहे.
पुरूषांच्या संघात दुखापतीतून सावरणाऱ्या रहिंदरला सुरूवातीच्या सामन्यात सिंगापूरच्या जेरोम क्लेमेंटने कडवी टक्कर दिली. मात्र 39 मिनिटे चाललेल्या या सामन्यात हरिंदरने 11-4, 13-11, 8-11, 11-7 असा सामना जिंकला. सोशनाप्रमाणे आपल्या सहाव्या एशियन गेम्समध्ये सहभागी होणाऱ्या घोषालने सॅम्युअल कंगचा 11-9, 11-1, 11-4 ने पराभव केला. तर अभय सिंहने मार्कस फुआचा 1-7, 11-7, 11-7 असा पराभव केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.