Australia and Ireland T20 World Cup : गतविजेत्या ऑस्ट्रेलियाचा आज (ता. ३१) आयर्लंडशी सामना होणार आहे. उपांत्य फेरीत प्रवेश करण्याच्या दृष्टीने ही लढत दोन्ही संघांसाठी अत्यंत महत्त्वाची असणार आहे. एका पराभवाने ऑस्ट्रेलियावर स्पर्धेबाहेर जाण्याची नामुष्की ओढवू शकते. आयर्लंडने मात्र आज सनसनाटी विजय मिळवल्यास त्याच्या उपांत्य फेरीत पोहोचण्याच्या आशा उंचावतील.

ऑस्ट्रेलियाचा कर्णधार अॅरॉन फिंच यावेळी म्हणाला, की "न्यूझीलंडविरुद्धच्या पराभवाने आमच्या निव्वळ धावगतीवर परिणाम झाला असल्याची आम्हाला जाणीव असून उर्वरित सामने जिंकणे हेच आमचे मुख्य ध्येय असणार आहे. "

गॅबाची खेळपट्टी नेहमीच वेगवान गोलंदाजांना साथ देणारी असून; सामन्याच्या सुरुवातीला फलंदाजांना चेंडूच्या स्विंगचा वास सहन करावा लागतो. हवामान विभागाकडून सोमवारी पावसाची शक्यता नसल्याचे सांगण्यात आले आहे.

आजची लढत

• ऑस्ट्रेलिया - आयर्लंड, दुपारी १.३० वाजता, ब्रिस्बेन

• थेट प्रक्षेपण स्टार स्पोर्टस आणि डिजनी हॉट स्टार