चट्टोग्राम (बांगलादेश) - शाकिब अल हसनच्या अष्टपैलू कामगिरीच्या जोरावर बांगलादेशने तिसऱ्या एकदिवसीय सामन्यात पाहुण्या इंग्लंडवर ५० धावांनी मात केली. या पराभवानंतरही इंग्लंडने मालिका २-१ अशी जिंकली. विजयासाठी आवश्यक असलेल्या २४७ धावांचा पाठलाग करताना इंग्लंडचा संघ १९६ धावांवर गडगडला.

सॅम करनने बांगलादेशची सलामी जोडी लिटन दास व तमिम इक्बाल यांनी केवळ १७ धावांच्या मोबदल्यात परत पाठविल्यावर नजमूल शांतो आणि मुशफीकूर रहीम यांनी ९८ धावांची भागीदारी करीत बांगलादेशला अडचणीतून बाहेर काढले.

रेहान अहमद सर्वात कमी वयाचा खेळाडू

रेहान अहमदने या सामन्यात इंग्लंडकडून पदार्पण केले. एकदिवसीय सामन्यात पदार्पण करणारा तो इंग्लंडचा सर्वात कमी वयाचा खेळाडू ठरला. त्याने १८ वर्षे २०५ दिवसांचा असून यापूर्वी बेन होलिओकेने इंग्लंडचा सर्वात कमी वयाचा खेळाडू होता. त्यावेळी तो २० वर्षे २१ दिवसांचा होता. एकदिवसीय क्रिकेटमध्ये पाकिस्तानचा हसन रझा पदार्पण करणारा सर्वात कमी वयाचा खेळाडू आहे. त्याने ज्यावेळी पदार्पण केले त्यावेळी तो १४ वर्षे २३३ दिवसांचा होता.

संक्षिप्त धावफलक

बांगलादेश ४८.५ षटकांत २४६ (नजमूल शांतो ५३, ५ चौकार, मुशफीकूर रहीम ७०, ६ चौकर, शाकिब अल हसन ७५, जोफ्रा आर्चर ३-३५, आदिल रशीद २-२१, सॅम करन २-५१, रेहान अहमद १-६२) वि. वि. इंग्लंड ४३.१ षटकांत सर्वबाद १९६ (जेसन रॉय, फिल साल्ट ३५, ७ चौकार, जेम्स विन्से ३८, सॅम करन २३, जोस बटलर २६, ख्रिस वोक्स ३४, शाकिब अल हसन ४-३५, इबादत हुसेन २-३८, ताईजूल इस्लाम २-५२)