BCCI Selection Committee : बीसीसीआयने पुरूष वरिष्ठ संघाच्या निवडसमितीतील सदस्य निवडीसाबाबतचे अर्ज मागवले आहेत. याबाबतीच नोटीस ही बीसीसीआयने आपल्या अधिकृत वेबसाईटवर प्रसिद्ध केली आहे. याचबरोबर सर्व सोशल मीडिया प्लॅटफॉर्मवर देखील ही नोटीस प्रसिद्ध करण्यात आली आहे. या पदासाठी अर्ज करण्याची शेवटची तारीख ही 30 जूनपर्यंत आहे.

निवडसमितीच्या सदस्यपदासाठी अशी आहे पात्राता

- अर्जदाराने किमान 7 कसोटी सामने खेळले असावे

- किंवा किमान 30 प्रथम श्रेणी क्रिकेट सामने खेळलेले असावेत

- किंवा 10 आंतरराष्ट्रीय वनडे आणि 20 प्रथम श्रेणी क्रिकेट सामने खेळलेले असावेत.

- अर्जदाराने किमान पाच वर्षापूर्वी निवृत्ती घेतलेली असावी.

पदासाठी अर्ज करणाऱ्या उमेदवारावर असेल या जबाबदाऱ्या

- पारदर्शकपणे शक्य तितका चांगला संघ निवडणे

- भारताच्या वरिष्ठ संघासाठी चांगली बेंच स्ट्रेंथ निवडण्यासाठी योजना आणि तयारी करणे

- गरज असेल त्या वेळी संघाच्या बैठकींना हजर राहणे

- देशांतर्गत आणि आंतरराष्ट्रीय सामने पाहण्यासाठी प्रवास करणे.

- संघाच्या कामगिरीचे मुल्यमापण करणे आणि त्याचा अहवाल बीसीसीआयच्या अपेक्स काऊन्सीलला प्रत्येक तीन महिन्याला सादर करणे.

- बीसीसीआय सांगेल त्या वेळी संघ निवडीबाबत माध्यमांशी संवाद साधायचा आहे.

- प्रत्येक फॉरमॅटमधील संघासाठी कर्णधाराची निवड करणे.

- बीसीसीआयच्या नियम आणि अटींचे पालन करणे.