BCCI to launch hunt for bowlers : भारतात क्रिकेट हा खेळ नाही तर धर्म आहे. लहान मुले असोत की वडीलधारी प्रत्येकजण त्याच्याशी जोडला आहे. घरातून बाहेर पडलो तर रस्त्यावर क्रिकेट खेळताना मुलांचा ग्रुप पाहिला असेल. पण, आता भारतीय क्रिकेट नियामक मंडळाने असा निर्णय घेतला आहे, ज्यामुळे भारताच्या युवा खेळाडूंसाठी नवीन मार्ग खुले होऊ शकतात.

बीसीसीआयचा मोठा निर्णय

भारतीय क्रिकेट सुधारण्यासाठी बीसीसीआय अनेकदा नवनवीन पावले उचलत आहे. आता मंडळाने देशातील तरुणांना संधी देण्यासाठी नवीन मार्ग खुले केले आहेत. अहवालांवर विश्वास ठेवला तर, बीसीसीआय भविष्यासाठी युवा वेगवान गोलंदाज शोधण्यासाठी देशव्यापी प्रतिभा शोध सुरू करणार आहे. बीसीसीआयने आजुन तरी ही घोषणा केली नाही. मात्र ही बातमी समोर येताच क्रिकेटच्या गल्लीबोळात बोर्डाच्या या पावलाचे जोरदार कौतुक होऊ लागले आहे.

आयपीएलने दिले प्रतिभावान खेळाडू

2008 मध्ये सुरू झालेल्या इंडियन प्रीमियर लीगने भारताला अनेक मोठे क्रिकेटपटू दिले आहेत. जसप्रीत बुमराह, हार्दिक पांड्या, युझवेंद्र चहल अशा अनेक नावांचा यात समावेश आहे. जर आपण ते मोजू लागलो तर पाने भरली जातील. आता भारतीय संघात सामील होण्यासाठी खेळाडूंची आयपीएल कामगिरी खूप महत्त्वाची आहे, असे म्हटल्यास चुकीचे ठरणार नाही.

बीसीसीआय आपल्या खेळाडूंना परदेशी लीगमध्ये खेळू देत नाही, हे कुणापासून लपून राहिलेले नाही. पण आता तो निवृत्ती घेऊन या लीगमध्ये खेळणाऱ्या खेळाडूंच्या अडचणी वाढवणार आहे. अलीकडेच जय शाह यांनी पुष्टी केली आहे की, बोर्ड निवृत्तीनंतर खेळाडूंसाठी कूलिंग ऑफ कालावधी लागू करण्याचा विचार करत आहे, जेणेकरून निवृत्ती घेण्याचा आणि परदेशी लीगमध्ये खेळण्याचा ट्रेंड कमी होईल.