Paris Olympic 2024 : पॅरिस ऑलिम्पिकमधील पहिले सुवर्णपदक चीनच्या खात्यात गेले आहे. 10 मीटर एअर रायफल मिश्र सांघिक स्पर्धेत सुवर्णपदकाच्या लढतीत चीनने दक्षिण कोरियाचा 16-12 असा पराभव केला.
19 वर्षांचा हुआंग यूटिंग आणि 17 वर्षांची शेंग लिहाओ यांनी हे सुवर्णपदक जिंकले. पात्रता फेरीतही चीनची ही जोडी अव्वल स्थानावर होती. तर दक्षिण कोरियाच्या केउम जिह्योन आणि हाजुन पार्क यांना रौप्यपदकावर समाधान मानावे लागले.
कझाकस्तानने जिंकले कांस्यपदक
कझाकस्तानच्या अलेक्झांड्रा ले आणि इस्लाम सत्पायेव या जोडीने कांस्यपदक पटकावले आहे. या जोडीला कांस्यपदकाच्या लढतीत जर्मनीचे आव्हान होते. अलेक्झांड्रा ले आणि इस्लाम सत्पायेव यांनी 630.8 गुणांसह या सामन्यासाठी पात्र ठरले होते.
कांस्यपदकाचा सामना एकतर्फी झाला. ॲना जॅन्सेन आणि मॅक्सिमिलियन उलब्रिच या जर्मन जोडीचा 17-5 असा पराभव झाला. अशाप्रकारे 10 मीटर एअर रायफल मिश्र सांघिक प्रकारातील तिन्ही पदके आशियाई देशाच्या नावे झाली.
हुआंग यूटिंगचे दुसरे ऑलिम्पिक मेडल
हुआंग युएटिंगचे हे ऑलिम्पिकमधील दुसरे मेडल आहे. वयाच्या 16 व्या वर्षी ऑलिम्पिकमध्ये 10 मीटर एअर रायफल प्रकारात त्याने रौप्य पदक जिंकले होते. तर वयाच्या 17 व्या वर्षी शेंग लिहाओने जवळपास सर्वच स्पर्धांमध्ये सुवर्णपदके जिंकली आहेत. जागतिक चॅम्पियनशिपमध्ये त्यांची तीन सुवर्णपदके आहेत. याशिवाय गेल्या वर्षी आशियाई क्रीडा स्पर्धेतही त्याने तीन सुवर्णपदके जिंकली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.