चार्लोट, नॉर्थ कॅरोलिना (अमेरिका) : उत्तरार्धात दहा खेळाडूंसह खेळणाऱ्या कोलंबिया संघाच्या जेफरसन लेर्मा याने ३९व्या मिनिटाला केलेल्या गोलच्या जोरावर उरुग्वेवर १-० अशी मात केली आणि कोपा अमेरिका फुटबॉल स्पर्धेच्या अंतिम फेरीत प्रवेश केला. कोलंबियाने तब्बल २३ वर्षांनंतर कोपा अमेरिका स्पर्धेची अंतिम फेरी गाठली.
याआधी त्यांनी २००१ मध्ये या स्पर्धेच्या जेतेपदावर मोहर उमटवली होती. आता अजिंक्यपदाच्या लढतीत कोलंबियासमोर मेस्सीच्या अर्जेंटिना संघाचे आव्हान असणार आहे. उरुग्वे-कोलंबिया यांच्यामधील लढतीत दोन्ही संघांतील खेळाडूंकडून आक्रमक खेळ झाला.
या लढतीत सात पिवळे कार्ड व एक लाल कार्ड दाखवण्यात आले. कोलंबियाच्या डॅनियल मुनोज याला ४६व्या मिनिटाला दुसरे पिवळे कार्ड दाखवण्यात आले. परिणामी, त्याला बाहेर काढण्यात आले. त्यामुळे कोलंबियाला उत्तरार्धात दहा खेळाडूंसह मैदानात उतरावे लागले. तरीही उरुग्वेला गोल करता आला नाही.
उरुग्वेचा संघ कोलंबियाकडून पराभूत झाल्यामुळे आता तिसऱ्या क्रमांकासाठी त्यांना कॅनडाशी लढावे लागणार आहे. गतविजेत्या अर्जेंटिनाने बुधवारी कॅनडाला पराभूत करून अंतिम फेरीत प्रवेश केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.