Arshdeep Singh USA vs IND T20 : भारताचा डावखुरा वेगवान गोलंदाज अर्शदीप सिंगने टी 20 वर्ल्डकपमध्ये इतिहास रचला. युएसए आणि भारत यांच्यातील पहिल्याच टी 20 सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला.

रोहितने पहिले षटक टाकण्याची जबाबदारी अर्शदीप सिंगवर सोपवली. या पठ्ठ्याने देखील पहिल्याच चेंडूवर विकेट घेत भारताला धडाकेबाज सुरूवात करून दिली. विशेष म्हणजे टी 20 वर्ल्डकप इतिहासात सामन्याच्या पहिल्याच चेंडूवर विकेट घेणारा अर्शदीप सिंग हा भारताचा पहिलाच गोलंदाज ठरला.

नाणेफेक जिंकून प्रथम गोलंदाजी करण्याचा निर्णय घेतल्यावर भारताने पहिल्या षटकातच युएसएला दोन धक्के दिले. अर्शदीप सिंगने जहांगीरला शुन्यावर तर आंद्रियासला 2 धावांवर बाद केलं. यानंतर युएसएची पॉवर प्लेमध्ये फलंदाजी संथ झाली. त्यांना पॉवर प्लेमध्ये 18 धावांपर्यंतच मजल मारतला आली.

पॉवर प्ले संपल्यानंतर हार्दिक पांड्याने युएसएचा धडाकेबाज फलंदाज अॅरोन जोन्सला 11 धावांवर बाद करत त्यांना मोठा धक्का दिला. युएसएने कसे बसे आपले अर्धशतक पूर्ण केले. इतक्यात अक्षर पटेलने टेलरचा त्रिफळा उडवत युएसएची अवस्था 4 बाद 56 धावा अशी केली.

या पडझडीनंतर नितीश कुमार आणि कोरे अँडरसनने आक्रमक फलंदाजी करत डाव सावरण्याचा प्रयत्न केला.