Babar Azam T20 World Cup 2024 : पाकिस्तानचा कर्णधार बाबर आझमने न्यूयॉर्कमध्ये आपल्या एका छोट्या चाहत्याला खूश करून टाकलं. हा छोटा चाहता भारत आणि पाकिस्तान सामना पाहण्यासाठी स्टेडियममध्ये पोहचला होता. त्याला बाबर आझमला भेटायचं होतं. मात्र बाबर आझमशी त्या मुलाशी भेट झाली नाही. पाकिस्तानचा संघ हरला होता त्यामुळे ही भेट होऊ शकली नाही.

मात्र पाकिस्तानने न्यूयॉर्कच्या नासाऊ स्टेडियमवर कॅनडाचा पराभव केला अन् या चिमुकल्याला आपल्या आयडॉलला भेटण्याची संधी मिळाली. यावेळी बाबर आझमने या छोट्या मुलाला मिठी मारली. याचबरोबर बाबर आझमने या मुलाला आपले बॅटिंग ग्लोज देखील दिले. यानंतर बाबर आझम क्रिकेट प्रेजेंटर संजना गणेशनशी बोलला.

बाबर आझमने संजनाला सांगितले की, 'हा छोटा चाहता भारत - पाकिस्तान सामना पाहण्यासाठी देखील आला होता. माझा हा चाहता त्या दिवशी खूप रडला होता. त्याला मला भेटता आलं नव्हतं. राष्ट्रीगीतानंतर तो पुन्हा माझ्या जावळ आला होता आणि रडू लागला. तो म्हणाला मी तुमचा खूप मोठा फॅन आहे.'

'आता त्याच्याशी भेट तो खूप खूश आहे. या गोष्टी आमच्यासोबत देखील झाल्या आहेत. ज्यावेळी आम्ही लहान होतो त्यावेळी कोणच्या स्टार खेळाडूला भेटलो तर आम्हाला देखील असाच आनंद व्हायचा.'