नवी दिल्ली : भारतीय क्रिकेट संघाचे महान कर्णधार व दिग्गज अष्टपैलू खेळाडू कपिल देव यांनी टीम इंडियाचा वेगवान गोलंदाज जसप्रीत बुमराच्या गोलंदाजीचे मनापासून कौतुक केले. ते म्हणाले, ‘‘जसप्रीत बुमरा हा माझ्यापेक्षा हजारपट अधिक चांगला गोलंदाज आहे. मी फॉर्ममध्ये असताना ज्याप्रकारे गोलंदाजी करायचो, त्यापेक्षा कईकपट छान गोलंदाजी तो करतो.’’
जसप्रीत बुमराने वेस्ट इंडीजमध्ये सुरू असलेल्या टी-२० विश्‍वकरंडकात भारतीय संघासाठी दबावाखाली अव्वल दर्जाची गोलंदाजी करीत निर्णायक विजय मिळवून दिले. याच पार्श्वभूमीवर कपिल देव बोलत होते. ते पुढे सांगतात की, भारतीय संघातील युवा वेगवान गोलंदाज चमकदार कामगिरी करीत आहेत. आम्ही जेव्हा खेळत होतो, तेव्हा आमच्याकडे अनुभव दांडगा होता, पण सध्याच्या वेगवान गोलंदाजांमध्ये क्षमता अधिक आहे. बुमराहसह सर्व गोलंदाज धडाकेबाज कामगिरी करीत आहेत.
‘टीम इंडिया’ची स्तुती
कपिल देव यांनी भारतीय संघातील क्रिकेटपटूंचीही स्तुती केली. कपिल देव या वेळी म्हणाले, ‘‘टीम इंडियातील खेळाडू तंदुरुस्तीवर विशेष लक्ष देत आहेत. एवढेच नव्हे तर भारतीय क्रिकेटपटू अधिक मेहनत करीत आहेत. भारतीय संघ आंतरराष्ट्रीय स्तरावर कात टाकत आहे.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.