दुबई: उद्या टी२० वर्ल्डकपमध्ये (T20 world cup) भारत विरुद्ध पाकिस्तान (Ind vs pak) सामना होणार आहे. भारत विरुद्ध पाकिस्तान सामन्याची दोन देशातीलच नव्हे, तर जगभरातील क्रिकेट चाहत्यांना प्रचंड उत्सुक्ता असते. मागच्या काही वर्षात वर्ल्डकप व्यतिरिक्त दोन्ही देशांमध्ये क्रिकेट सामनेच (cricket matches) झालेले नाहीत. भारतीय क्रिकेट नियामक मंडळाचे अध्यक्ष सौरव गांगुली (Sourav Ganguly) यांनी भारतात दोन्ही देशांचे क्रिकेट सामने आयोजित करणं का कठीण आहे? त्याचं कारण सांगितलं आहे.

भारत विरुद्ध पाकिस्तान सामन्याच्या तिकिटांना प्रचंड मागणी असते. त्यातुलनेत संयुक्त अरब अमिरातीमध्ये हे क्रिकेट सामने आयोजित करणं सोपं आहे, असं मत गांगुली यांनी व्यक्त केलं आहे. आयसीसी जेतेपदाच्या प्रतिक्षेत असलेला विराट कोहली पहिल्यांदाच टी २० वर्ल्डकप स्पर्धेत संघाचे नेतृत्व करणार आहे. कर्णधार म्हणून विराटची ही शेवटची स्पर्धा असेल. कारण टी२० क्रिकेट प्रकारातील कर्णधारपद त्याने सोडले आहे.

"भारत विरुद्ध पाकिस्तान सामन्याने वर्ल्डकपची सुरुवात होण्याची ही पहिली वेळ नाहीय. २०१५ च्या वर्ल्डकपची सुरुवातही पाकिस्तान विरुद्ध सामन्याने झाली होती" असे गांगुलीने सलाम क्रिकेट २०२१ मध्ये सांगतिले. "हे असं घडत असतं. कारण या सामन्यात प्रचंड रस आहे. या सामन्याचे आयोजन करणे कठीण नाही. मी जेव्हा खेळत होतो, तेव्हा मला कधी हा कठीण सामना वाटला नाही" असे गांगुली म्हणाला.

"भारत-पाकिस्तान सामन्याचा एक वेगळा दबाव असतो, असं लोक म्हणतात. पण मला तसं कधी जाणवलं नाही. मी कॅबचा अध्यक्ष झाल्यानंतर २०१६ मध्ये इडन गार्डनवर भारत-पाकिस्तान सामना झाला. प्रशासक म्हणून माझ्यासाठी तो पहिला सामना होता" असे गांगुली म्हणाला.