India Vs Pakistan T20 World Cup 2024 : टी 20 वर्ल्डकप 2024 चा सर्वात हाय व्होल्टेज सामना, भारत - पाकिस्तान सामना हा रविवारी न्यूयॉर्कच्या नासाऊ स्टेडियमवर होणार आहे. या सामन्याबद्दल चाहत्यांमध्ये खूप उत्सुकता आहे. त्यात युएसएने पाकिस्तानचा पराभव केल्यानंतर भारताविरूद्धच्या सामन्याकडं सर्वांच विशेष लक्ष आहे.

दरम्यान, पहिल्याच सामन्यात पराभव पाहिलेल्या पाकिस्तानला आता भारताविरूद्धच्या सामन्यापूर्वीच एक मोठा धक्का बसला. त्यांचा अष्टपैलू खेळाडू इमाद वासिम भारताविरूद्धच्या सामन्याला मुकण्याची शक्यता आहे. इमाद युएसएविरूद्धच्या सामन्यात देखील साईड स्ट्रेनच्या दुखापतीमुळे मुकला होता. आता तो भारताविरूद्धच्या सामन्याला देखील मुकण्याची दाट शक्यता आहे.

बीबीएन स्पोर्ट्सने दिलेल्या माहितीनुसार वसिमला पेन किलर इंजक्शन देऊन भारत - पाकिस्तान सामन्यापर्यंत फिट करण्याचा प्रयत्न झाला. मात्र त्याचा काही फायदा होताना दिसत नाहीये.

मिळालेल्या माहितीनुसार इमाद वासिम हा भारताविरूद्धचा सामना खेळणार नाही हे जवळपास 80 टक्के नक्की झालं आहे. मेहरान मुमताझने लाहोर येथील एनसीएमध्ये आपली फिटनेस टेस्ट पास केली आहे. त्याला स्टँड बाय खेळाडूंमध्ये ठेवण्यात आलं आहे. आता भारताविरूद्धच्या सामन्यात युवा सैम आयुब मोहम्मद रिझवान सोबत सलामी देण्याची शक्यता आहे.

यापूर्वी बाबर आझम म्हणाला होता की, 'जरी इमादने पहिला सामना खेळला नसला तरी आम्ही तो पुढच्या सर्व सामन्यांसाठी उपलब्ध असेल अशी आशा करत आहोत.'

पाकिस्तानचा संघ :

बाबर आझम (कर्णधार), अब्रार अहमद, आझम खान, फखर झमान, हारिक रौऊफ, इफ्तिकार अहमद, इमाद वासिम, मोहम्मद अब्बास आफ्रिदी, मोहम्मद आमिर, मोहम्मद रिझवान, नसीम शाह, सैम अयुब, शादाब खान, शाहीन शाह आफ्रिदी, उस्मान खान.

(Cricket News In Marathi)