फ्लोरिडा येथे झालेल्या पावसामुळे मैदान ओले आहे. त्याचमुळे शनिवारी भारत - कॅनडा सामना खेळवणे शक्य नसल्याचा निर्णय सामनाधिकाऱ्यांनी घेतला आहे. त्याचमुळे सामना नाणेफेकही न होता अखेर रद्द करण्यात आला आहे. त्यामुळे दोन्ही संघांना प्रत्येकी १ गुण देण्यात आला आहे.
यासह कॅनडाचा या स्पर्धेतील प्रवास संपला आहे, तर भारतीय संघ आता सुपर-८ मधील सामना खेळेल. भारताचा सुपर-८मधील पहिला सामना २० जून रोजी अफगाणिस्तानविरुद्ध खेळवला जाणार आहे.
मैदान पावसाच्या पाण्याने ओले असल्याने ८ वाजल्यानंतरही नाणेफक होऊ शकलेली नाही. त्यामुळे अद्यापही सामना सुरू होण्याची प्रतिक्षा कायम आहे.
भारत आणि कॅनडा यांच्यात फ्लोरिडाला होणाऱ्या सामन्यात पावसाचा व्यत्यय आला आहे. फ्लोरिडाला झालेल्या पावसामुळे सध्या मैदान ओले आहे. त्यामुळे नाणेफेक झालेली नाही. आता मैदानातील परिस्थिती भारतीय प्रमाणवेळेनुसार रात्री ८ वाजता तपासले जाणार आहे. त्यानंतर पुढील निर्णय घेतला जाईल.
T20 World cup 2024, IND vs CAN Live Score update: टी२० वर्ल्ड कप २०२४ स्पर्धेत शनिवारी (१५ जून) भारत विरुद्ध कॅनडा संघात सामना होणार आहे.हा सामना फ्लोरिडामधील लॉडरहिल येथील सेंट्रल ब्रोवर्ड रिजनल पार्क स्टेडियम टर्फ ग्राऊंडवर होणार आहे.
हा सामना स्थानिक वेळेनुसार सकाळी १०.३० वाजता, तर भारतीय प्रमाणवेळेनुसार रात्री ८ वाजता सुरू होणार आहे. हा सामना पहिल्या फेरीतील भारत आणि कॅनडा या दोन्ही संघांचा अखेरचा सामना आहे.
मात्र, सध्या फ्लोरिडामध्ये गेल्या काही दिवसापासून पावसाचे वातावरण आहे. याचठिकाणी शुक्रवारी होणारा अमेरिका विरुद्ध आयर्लंड सामना पावसामुळे रद्द झाला होता. त्यामुळे शनिवारी होणाऱ्या भारत आणि कॅनडा सामन्यावरही पावसाचे सावट आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.