Mohammad Rizwan : पाकिस्तानचा सलामीवीर आणि विकेटकिपर मोहम्मद रिझवानने पीसीबीचे प्रमुख मोहसीन नक्वी यांनी दिलेल्या वक्तव्याशी सहमती दर्शवली आहे. नक्वी यांनी पाकिस्तान संघाची मोठी सर्जरी गरजेची असल्याच वक्तव्य केलं होतं. पाकिस्तानने टी 20 वर्ल्डकपमध्ये ग्रुप स्टेजमधूनच गाशा गुंडाळला होता.

पाकिस्तानच्या संघातील काही खेळाडू मायदेशात परतले आहेत. त्यात विकेटकिपर मोहम्मद रिझवानचा देखील समावेश आहे. त्याने मायदेशात परतल्यानंतर पेशावर येथे पत्रकारांशी संवाद साधला. तो म्हणाला की, 'संघावर होणारी टीका ही समजण्यासारखी आहे. आम्ही अपेक्षे प्रमाणे कामगिरी करू शकलो नाही. आमच्यावर टीका होणारच.'

तो पुढे म्हणाला की, 'टी 20 वर्ल्डकपमध्ये आमच्या कामगिरीमुळे चाहत्यांनी निराशा झाली आहे. आमच्या पराभवामागे अनेक कारणं आहेत. ज्यावेळी एखादा संघ हरतो त्यावेळी आपण फक्त बॉलिंगमुळे किंवा फलंदाजीमुळे हरलो असं म्हणू शकत नाही.

मोहम्मद रिझवानला वर्ल्डकपमध्ये 90.9 च्या स्ट्राईक रेटने 110 धावाच करता आल्या. तो भारताविरूद्धच्या सामन्यात जसप्रीत बुमराहला मोठा फटका मारण्याच्या नादात बाद झाला होता. आता रिझवानने संघातील अनेक खेळाडू आता ड्रॉप होतील असे संकेत दिले. संघात कोण राहणार अन् कोण जाणार हे पीसीबी प्रमुख ठरवतील याचे देखील संकेत दिले आहे.

रिझवान म्हणाला की, 'एखादा व्यक्ती आजारी असेल तर ऑपरेशन होणं साधारण गोष्ट आहे. ऑपरेशन गरजेचं देखील आहे. पीसीबी चेअरमन हे खूप हार्ड वर्किंग व्यक्ती आहेत. संघात कोणता खेळाडू राहणार कोणता जाणार हे ठरवण्याचा अधिकार चेअरमन यांचा अधिकार आहे.'