Saurabh Netravalkar IND Vs USA T20 World Cup 2024 : यूएसएचा स्टार वेगवान गोलंदाज सौरभ नेत्रावलकरने टीम इंडियाविरुद्ध अप्रतिम गोलंदाजी केली. या सामन्यात सौरभ नेत्रावलकरने विराट कोहलीविरुद्ध एक खास विक्रमही केला आहे.
भारत आणि अमेरिका यांच्यात झालेल्या सामन्यात टीम इंडियाने बाजी मारली. टीम इंडियाचा या स्पर्धेतील हा सलग तिसरा विजय ठरला. यासह रोहित आणि कंपनी आता सुपर-8 मध्ये पोहोचली आहे. टीम इंडियाने हा सामना जिंकला असला तरी पुन्हा एकदा अमेरिकेचा स्टार गोलंदाज सौरभ नेत्रावलकरने आपल्या अप्रतिम गोलंदाजीने लाखो क्रिकेटप्रेमींची मने जिंकली.
सौरभ नेत्रावळकर ठरला पहिला गोलंदाज
सौरभ नेत्रावळकरने भारताविरुद्ध पुन्हा एकदा अप्रतिम गोलंदाजी केली. या सामन्यात सौरभने टीम इंडियाचा कर्णधार रोहित शर्मा आणि विराट कोहलीची विकेट घेतली. ज्यात सौरभने पहिल्याच चेंडूवर कोहलीला पॅव्हेलियनचा रस्ता दाखवला.
आता आयसीसी स्पर्धेत विराट कोहलीला गोल्डन डकवर बाद करणारा सौरभ पहिला गोलंदाज ठरला आहे. कोहली टी-20 वर्ल्ड कपमध्ये पहिल्यांदाच गोल्डन डकवर बाद झाला आहे. या सामन्यात सौरभ नेत्रावळकरने गोलंदाजी करताना 4 षटकात 18 धावा देत 2 बळी घेतले. या स्पर्धेत सौरभ अप्रतिम गोलंदाजी करत आहे.
टीम इंडियाने हा सामना 7 विकेटने जिंकला
या सामन्यात प्रथम फलंदाजी करताना अमेरिकेने 20 षटकात 8 गडी गमावून 110 धावा केल्या. टीम इंडियासाठी अर्शदीप सिंगने शानदार गोलंदाजी करत 4 बळी घेतले. यानंतर टीम इंडियाने हे लक्ष्य 18.2 षटकांत पूर्ण केले. भारताकडून फलंदाजी करताना सूर्यकुमार यादवने सर्वाधिक 50 धावांची खेळी खेळली. याशिवाय शिवम दुबेने 31 धावा केल्या होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.