India Vs Bangladesh : टी 20 वर्ल्डकप 2024 मधील सुपर 8 च्या सामन्यात आज भारत आणि बांगलादेश यांच्यात लढत होत आहे. या लढतीत प्रथम फलंदाजी करत भारताने 20 षटकात 5 बाद 196 धावा केल्या. यात हार्दिक पांड्याने नाबाद 50 धावा केल्या. विराट कोहलीने 37 तर पंतने 36 धावांची खेळी केली. शिवम दुबेही चमकला. त्यानं 24 चेंडूत 34 धावांची खेळी केली. या दरम्यान भारताने तब्बल 13 षटकार मारले.
भारताने टी 20 वर्ल्डकपमधील एका सामन्यात सर्वाधिक षटकार मारण्याचा विक्रम आपल्या नावावर केला. यापूर्वी हा विक्रम इंग्लंडच्या नावावर होता. त्यांनी 2007 च्या टी 20 वर्ल्डकपमध्ये 11 षटकार मारले होते. आता भारताने 13 षटकार मारत हा विक्रम मोडला.
भारताने आजच्या सामन्यात अनेक माईल स्टोन पार केले आहेत. विराट कोहली हा वर्ल्डकपमध्ये 3000 धावा करणारा पहिला फलंदाज ठरला. विराटसोबत टीम इंडियाने देखील अनेक विक्रम केले.
- या मैदानावर टी 20 वर्ल्डकपमध्ये 180 धावांच्या पुढचे आव्हान कधीच चेस झालेले नाही.
- या मैदानावर टी 20 क्रिकेटमध्ये सर्वाधिक धावा करण्याचा विक्रम भारताच्या नावावर आहे.
- तसेच भारताची ही टी 20 वर्ल्डकपमधील तिसऱ्या क्रमांकाची सर्वौच्च धावसंख्या ठरली.
- हार्दिक पांड्या हा देखील भारताकडून टी 20 वर्ल्डकपमध्ये 300 पेक्षा जास्त धावा आणि 20 पेक्षा जास्त विकेट घेणारा पहिला खेळाडू ठरला आहे.
बांगलादेशकडून टी 20 वर्ल्डकपमध्ये सर्वाधिक विकेट घेणारे गोलंदाज
तनजीम हसन - 11 (2024)
राशिद हुसैन - 11 (2014)
शाकिब अल हसन - 11 (2021)
शाकिब अल हसन - 10 (2016)
अल अमिन हुसैन - 10 (2014)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.